ସ୍ୱର୍ଗତଃ ମହମ୍ମଦ ରଫିଙ୍କ ଜୟନ୍ତୀ ପାଳନ
ସମ୍ବଲପୁର(ବଡ଼ ଖବର ବ୍ୟୁରୋ): ପ୍ରସିଦ୍ଧ ଗାୟକ ସ୍ୱର୍ଗତଃ ମହମ୍ମଦ ରଫିଙ୍କ ଜୟନ୍ତୀ ପାଳିତ ହୋଇଯାଇଛି । ସମ୍ବଲପୁରରେ ଜୱାନେ ହିନ୍ଦ କ୍ଲବ ପକ୍ଷରୁ ଏହା ପାଳନ କରାଯାଇଛି । ପ୍ରତିବର୍ଷ କ୍ଲବ ପକ୍ଷରୁ ମହମ୍ମଦ ରଫିଙ୍କ ସ୍ମୃତିରେ ସଙ୍ଗୀତ ସନ୍ଧ୍ୟା ଆୟୋଜନ କରାଯାଇ ତାଙ୍କୁ ଶ୍ରଦ୍ଧାଞ୍ଜଳି ଦିଆଯାଉଥିଲା । ଚଳିତବର୍ଷ କୋଭିଡ କଟକଣା ପାଇଁ ମହମ୍ମଦ ରଫିଙ୍କ ଫଟୋଚିତ୍ରରେ କ୍ଲବର ସଭ୍ୟମାନେ ମାଲ୍ୟାର୍ପଣ କରି ଶ୍ରଦ୍ଧାଞ୍ଜଳି ଜ୍ଞାପନ କରିଥିଲେ । ମହମ୍ମଦ ରଫିଙ୍କ ସ୍ମୃତିରେ ସହରର ଗରିବ ଲୋକଙ୍କୁ କମ୍ବଳ ବଣ୍ଟନ କରାଯାଇଥିଲା । କାର୍ଯ୍ୟକ୍ରମରେ ସମ୍ବଲପୁର ଜିଲ୍ଲା ଓକିଲ ସଂଘର ସଭାପତି ଡକ୍ଟର ପ୍ରମୋଦ ରଥଙ୍କ ସହ ସହରର ବହୁ ପ୍ରତିଷ୍ଠିତ ଲୋକ ଉପସ୍ଥିତ ଥିଲେ ।