୧୦୬ ବ୍ୟାଗ ଟଙ୍କା ଗଣତି ଶେଷ

ଭୁବନେଶ୍ୱର (ବଡ଼ ଖବର ବ୍ୟୁରୋ): ଓଡ଼ିଶାରେ ଚାଲିଛି ମେଗା ଆଇଟି ରେଡ। ଟଙ୍କା ଗଣି ଗଣି ମଣିଷ ତ ଛାଡନ୍ତୁ ମେସିନ ବି ହେଲାଣି ନୟାନ୍ତ।ବ୍ୟାଙ୍କ୍ କର୍ମଚାରୀଙ୍କ ଛୁଟି ବାତିଲ କରି ଟଙ୍କା ଗନାଉଛି ଇନକମ୍ ଟ୍ୟାକ୍ସ। ମଦ ଟଙ୍କାର ପାହାଡ ୫୦୦କୋଟି ପାର ର ଅକାଳନ ହୋଇଛି।ସେଥିରୁ ଅଧା ସରିଛି ଗଣା।୫୦୦,୨୦୦ ଓ ୧୦୦ଟଙ୍କିଆ ନୋଟ।ସୁନା ଅଳଙ୍କାର ଓ ସୁନା ବିସ୍କୁଟର ମୂଲ୍ୟାଙ୍କନ ଏବେ ବି ବାକି ଅଛି। ମୋଟ ୧୭୬ଟି ବ୍ୟାଗ ମଧ୍ୟରୁ ଏପର୍ଯ୍ୟନ୍ତ ୧୦୬ଟି ବ୍ୟାଗର ଟଙ୍କା ଗଣା ସରିଥିବା ସୂଚନା ମିଳିଛି ।

ହେଲେ କେତେ କୋଟି ଟଙ୍କା ମିଳିଛି, ଏ ନେଇ କିଛି ସ୍ପଷ୍ଟ କରିନାହାନ୍ତି କର୍ତୃପକ୍ଷ । ଆହୁରି ୭୦ଟି ବ୍ୟାଗ ଗଣା ହେବାକୁ ରହିଛି । ଗତକାଲି ରାତି ସୁଦ୍ଧା ଆଉ ୨୦ଟି ବ୍ୟାଗ ଗଣତି ଶେଷ ହେବ ବୋଲି କୁହାଯାଇଥିଲା । ଅର୍ଥାତ୍ ଆହୁରି ୫୦ରୁ ଅଧିକ ବ୍ୟାଗ ଟଙ୍କା ଗଣତି ହେବାକୁ ବାକି ରହିଛି । ଆଜି ସବୁ ଟଙ୍କା ଗଣତି ପାଇଁ ବ୍ୟବସ୍ଥା କରାଯାଇଛି । ଆଉ ଟଙ୍କା ଗଣତି ଶେଷ ହେଲେ ଜଣାପଡିବ, ମୋଟ କେତେ ଟଙ୍କା ଜବତ ହୋଇଛି ।

ଶନିବାର ଛୁଟି ଦିନ ହୋଇଥିଲେ ବି ବଲାଙ୍ଗୀର ଏସବିଆଇ ମୁଖ୍ୟ ଶାଖାରେ ଗଣତି ପ୍ରକ୍ରିୟାରେ ସାମିଲ ହୋଇଥିଲେ ୫୦ରୁ ଅଧିକ କର୍ମଚାରୀ । ତଦାରଖ କରିବା ପାଇଁ ମଧ୍ୟ କର୍ମଚାରୀ ନିୟୋଜିତ ହୋଇଥିଲେ । ୨୫ଟି ମେସିନରେ ଟଙ୍କା ଗଣା ଯାଇଛି । କାଳେ ମେସିନ୍ ଖରାପ ହୋଇଯିବ, ସେଥିପାଇଁ ଆଉ ୧୫ଟି ମେସିନକୁ ଷ୍ଟାଣ୍ଡବାୟରେ ରଖାଯାଇଛି ।