ଯାଜପୁର (ବଡ଼ ଖବର ବ୍ୟୁରୋ): ଯାଜପୁର ଜିଲ୍ଲା ବରୀ ବ୍ଲକ ବୋଦୁଅ ପଞ୍ଚାୟତ କନ୍ତିଆ ଗ୍ରାମର ଯଦୁମଣି ମଲ୍ଲିକ । ଚାଷ କାମ ପାଇଁ ଗ୍ରାମ ରୁ ୪/୫ ଲକ୍ଷ୍ୟ ଟଙ୍କା ହାତ ଉଦ୍ଧାର କରି ଚାଷ କାମରେ ଲଗାଇଥିଲେ। ଚାଷରେ କ୍ଷତି ହେବାରୁ ଉଦ୍ଧାର କରି ଆଣିଥିବା ଟଙ୍କା ଠିକ୍ ସମୟରେ ପରିଶୋଧ କରି ପାରିନଥିଲେ । ଉଦ୍ଧାର ଦେଇଥିବା ଲୋକମାନେ ଯଦୁମଣିଙ୍କୁ ସବୁବେଳେ ମାଗୁଥିଲେ । ସକାଳୁ ଜଣେ ଲୋକ ପଇସା ମାଗିବାରୁ ଯୁକ୍ତି ତର୍କ ମଧ୍ୟ ହୋଇଥିଲା।
ଏହାପରେ ଯଦୁମଣି କାହାକୁ କିଛି ନ ଜଣେଇ ଘର ଠାରୁ ଏକ କିମି ଦୂର ରେ ଥିବା ବିଲକୁ ଯାଇ ସେଠାରେ ଥିବା ଗଛରେ ଦଉଡ଼ି ଦେଇ ଆତ୍ମହତ୍ୟା କରିଥିଲେ। ଚାଷ କରୁଥିବା ଗ୍ରାମର ଅନ୍ୟଲୋକେ ଦେଖିବାକୁ ପାଇଥିଲେ । ପରେ ଗାଁ ଲୋକମାନେ ଯାଇ ଗଛରୁ ଦଉଡ଼ି କାଟି ଯଦୁମଣିଙ୍କୁ ଉଦ୍ଧାର କରିଥିଲେ । ମାତ୍ର ସେତେବେଳକୁ ଯଦୁମଣିଙ୍କ ମୃତ୍ୟୁ ହୋଇସାରିଥିଲା । ଖବର ପାଇ ବିଂଝାରପୁର ଥାନା ରୁ ପୋଲିସ ପହଞ୍ଚି ଶବ ଜବତ କରିବା ସହ ଏକ ଅପମୃତ୍ୟୁ ମାମଲା ରୁଜୁ କରିଥିଲା ।
