ଭୁବନେଶ୍ୱର (ବଡ଼ ଖବର ବ୍ୟୁରୋ): ରାଜ୍ୟରେ କମିବ ମୁଣ୍ଡପିଛା ଆୟ । ଗତବର୍ଷ ତୁଳନାରେ ମୁଣ୍ଡପିଛା ଆୟ କମିବ । ୨୦୧୯-୨୦ରେ ମୁଣ୍ଡପିଛା ଆୟ ବଢି ପହଞ୍ଚିଥିଲା ୧ଲକ୍ଷ ୪ହଜାର ୫୬୬ଟଙ୍କାରେ । ଚଳିତବର୍ଷ ମୁଣ୍ଡପିଛା ଆୟ କମି ୧ଲକ୍ଷ ୨ହଜାର ୧୬୫ଟଙ୍କାରେ ପହଞ୍ଚିବ । ଗତବର୍ଷ ତୁଳନାରେ ରାଜ୍ୟରେ ମୁଣ୍ଡପିଛା ଆୟ ୨୪୧୦ଟଙ୍କା ହ୍ରାସ ପାଇବ । ଅର୍ଥାତ୍ ୨୦୨୦-୨୧ ଆର୍ଥିକ ବର୍ଷ ତୁଳନାରେ ରାଜ୍ୟର ମୁଣ୍ଡପିଛା ଆୟ ୨ଦଶମିକ ୩ ପ୍ରତିଶତ ହ୍ରାସ ପାଇବ ।
ଗତବର୍ଷ ଜଣେ ଲୋକର ମାସିକ ଆୟ ଥିଲା ୧ହଜାର ୨୧୩ଟଙ୍କା ୮୩ ପଇସା । ଚଳିତ ବର୍ଷ ମୁଣ୍ଡପିଛା ଆୟ ରହିଛି ୧ହଜାର ୧୩ଟଙ୍କା ୭୫ପଇସା । ୨୦୧୨-୧୩ରୁ ୨୦୧୯-୨୦ ମଧ୍ୟରେ ଓଡିଶାର ଅର୍ଥନୀତି ହାରାହାରି ବାର୍ଷିକ ୭ଦଶମିକ ୧ ପ୍ରତିଶତ ହାରରେ ବୃଦ୍ଧି ପାଇଥିବା ବେଳେ ଜାତୀୟ ହାର ୬ଦଶମିକ ୬ପ୍ରତିଶତ ଥିଲା । ପ୍ରକାଶ ପାଇଥିବା ରାଜ୍ୟର ଅର୍ଥନୈତିକ ସର୍ଭେ ରିପୋର୍ଟରେ ଏହି ତଥ୍ୟ ଦର୍ଶାଯାଇଛି ।
