ସୀମାରେ ଶାନ୍ତି ଫେରିବ !
ଅରୁଣାଚଳ ପ୍ରଦେଶ (ବଡ଼ ଖବର ବ୍ୟୁରୋ): ଶେଷ ହୋଇଛି ଭାରତ-ଚୀନ ମଧ୍ୟରେ ଦଶମ ପର୍ଯ୍ୟାୟ କମାଣ୍ଡ ସ୍ତରୀୟ ଆଲୋଚନା । ପୂର୍ବ ଲଦାଖରେ ସାମରିକ ଘାଟିରୁ ସୈନ ପ୍ରତ୍ୟାହାର ପାଇଁ ନୂଆଦିଲ୍ଲୀ ପକ୍ଷରୁ ଅପିଲ କରାଯାଇଛି । ସୀମା ବିବାଦକୁ ନେଇ ଭାରତ-ଚୀନ ମଧ୍ୟରେ ଦୀର୍ଘ ୧୬ଘଂଟାର ଆଲୋଚନା ହୋଇଥିବା ସୂଚନା ମିଳିଛି । ସୀମାରେ ଶାନ୍ତି ବଜାୟ ରଖିବା ପାଇଁ ଚୁସୁଲ-ମୋଲଦୋ କ୍ଷେତ୍ରରେ ଏହି ବୈଠକ ବସିଥିଲା ।
ପୂର୍ବ ଲଦାଖର ହଟସ୍ପିଙ୍ଗ, ଗୋଗରା, ଡେସପାଙ୍ଗ, ଅଂଚଳରେ ଥିବା ସୈନ୍ୟ ଓ ଅସ୍ତ୍ରଶସ୍ତ୍ର ହଟାଇବାକୁ ଚୀନକୁ କହିଛି ନୂଆଦିଲ୍ଲୀ । ଏବଂ ଡେସପାଙ୍ଗ ଅଂଚଳର ଭାରତୀୟ ସୈନ୍ୟଙ୍କ ପାଟ୍ରୋଲିଂରେ ବାଧା ନପହଂଚାଇବା ପାଇଁ କହିଛି ଭାରତ । ଏହି ବୈଠକରେ ବାର ଥର ପ୍ରତିନିଧିତ୍ୱ କରିଥିଲେ ଫୋର୍ଟିନ କ୍ରପସ କମାଣ୍ଡର ଲେଫ୍ଟନାଂଟ ପି.ଜି.କେ ମେନନ ଓ ଚୀନ ପକ୍ଷରୁ ସାଉଥ ଜିଙ୍ଗଜିଆଙ୍ଗ ମିଲିଟାରି ଡିଷ୍ଟିକ ଚିଫ ମେଜର ଜେନେରାଲ ଲିୟୁ ଲିନ ଆଲୋଚନାରେ ଭାଗ ନେଇଥିଲେ ।