‘ଷ୍ଟାର ଇଣ୍ଡିଆ ଲଭ୍ସ’ ତାଲିକାର ଶୀର୍ଷରେ ଦୀପିକା
ମୁମ୍ବାଇ (ବଡ଼ ଖବର ବ୍ୟୁରୋ): ପୁଣି ଥରେ ଲୋକପ୍ରିୟ ମହିଳା ଲିଷ୍ଟରେ ବଲିଉଡ଼ କୁଇନ ଦୀପିକା ପାଦୁକୋନ । ୨୦୨୦ର ସବୁଠୁ ଲୋକପ୍ରିୟ ମହିଳା ତାରକା ଲିଷ୍ଟରେ ଟପରେ ଅଛନ୍ତି । ଏହା ପ୍ରଥମ ଥର ନୁହେଁ ଦୀପିକା ବିଶ୍ୱର ଲୋକପ୍ରିୟତା ଆଧାରରେ ଶୀର୍ଷ ସ୍ଥାନ ପ୍ରାପ୍ତ କରିଛନ୍ତି । ଦୀପିକା ଜଣେ ଭଲ ଅଭିନେତ୍ରୀ ଭାବରେ ନିଜର ଅଭିନୟକୁ ପ୍ରମାଣିତ କରିଛନ୍ତି । ତାଙ୍କର ଫିଲ୍ମ କଥା ଯଦି କୁହାଯାଏ, ଦୀପିକା ସବୁବେଳେ ନିଜର ଚମତ୍କାର ଅଭିନୟ ପ୍ରଦର୍ଶନ କରିଛନ୍ତି ।
ଯାହା ପାଇଁ ତାଙ୍କୁ ବଲିଉଡ୍ ରେ ‘ଦ ରାଇଜିଙ୍ଗ କୁଇନ’ ବୋଲି କୁହାଯାଏ । ବିଶ୍ଵସ୍ତରୀୟ ତାରକା ଭାବେ ପରିଚୟ ସୃଷ୍ଟି କରିବା ସହ, ସେ ଦେଶରେ ମଧ୍ୟ ଘରେ ଘରେ ପରିଚିତ । ୨୦୨୦ରେ ଅଭିନେତ୍ରୀ ଅନେକ ବଡ ପ୍ରୋଜେକ୍ଟ ଘୋଷଣା କରିଛନ୍ତି । ଯେଉଁଥିରେ ସେ ପ୍ରଭାସଙ୍କ ସହ ‘ନାଗ ଅଶ୍ୱିନି’ରେ ନଜର ଆସିବେ । ଏଥିସହିତ ଅଭିନେତା ହ୍ରିତିକ ରୋଶନଙ୍କ ସହିତ ମଧ୍ୟ ନିଜର ଆଗାମୀ ଆକ୍ସନ୍ ଫିଲ୍ମ ‘ଫାଇଟର’ ରେ ମଧ୍ୟ ନଜର ଆସିବେ ।