ରେଳପଥ ନିର୍ମାଣ ପାଇଁ ଦାବିପତ୍ର
ବ୍ରହ୍ମଗିରି (ବଡ଼ ଖବର ବ୍ୟୁରୋ): ପୁରୀ-ସାତପଡା ରେଳପଥ ନିର୍ମାଣ ପାଇଁ ଦାବି ଜୋର ଧରିଲା । ଆଜି ବ୍ରହ୍ମଗିରି ବ୍ଲକ ଅଲାରନାଥ ମନ୍ଦିର ସମ୍ମୁଖରେ ମାନବାଧିକାର ସୁରକ୍ଷା ସଙ୍ଘର ବ୍ରହ୍ମଗିରି ସାଖା ତରଫରୁ ରେଳମନ୍ତ୍ରୀ ଅଶ୍ବିନୀ ବୈଷ୍ଣବଙ୍କ ପାଖକୁ ଏକ ଦାବିପତ୍ର ଦିଆଯାଇଛି । ସଂଗଠନର ରାଜ୍ୟ ମୁଖ୍ୟ ପ୍ରିୟପ୍ରସାଦ ମିଶ୍ରଙ୍କ ସମେତ ଶତାଧିକ କର୍ମକର୍ତ୍ତା ଯୋଗଦେଇ ଦାବି ଉପସ୍ଥାପନା କରିଥିଲେ।
ତେବେ ଶ୍ରୀକ୍ଷେତ୍ର ପୁରୀ ଭଳି ବ୍ରହ୍ମଗିରି ମଧ୍ୟ ପର୍ଯ୍ୟଟନ ମାନଚିତ୍ରରେ ଏକ ସ୍ବତନ୍ତ୍ର ସ୍ଥାନ ଦଖଲ କରିଛି । ଏସିଆ ମହାଦେଶର ସର୍ବବୃହତ ଲୁଣା ହ୍ରଦ ଚିଲିକା ଠାରୁ ଆରମ୍ଭ କରି ଅଲାରନାଥ ମନ୍ଦିର ଓ ପଞ୍ଚୁପାଣ୍ଡବଙ୍କ ଭଳି ପର୍ଯ୍ୟଟନସ୍ଥଳିକୁ ଦର୍ଶନ ପାଇଁ ଦେଶ ବିଦେଶରୁ ହଜାର ହଜାର ପର୍ଯ୍ୟଟକ ଆସିଥାନ୍ତି । ବ୍ରହ୍ମଗିରିକୁ ରେଳ ଚଳାଚଳ ନିହାତି ଆବଶ୍ୟକ ବୋଲି ସଂଗଠନ ପକ୍ଷରୁ କୁହାଯାଇଛି ।