https://youtu.be/dCsA86-l388
ଆଠଗଡ଼ (ବଡ଼ ଖବର ବ୍ୟୁରୋ):ମହାକାର୍ତ୍ତିକ ମାସରେ ବାବା ଧବଳେଶ୍ବର ମହାପ୍ରଭୁଙ୍କ ପାଖରେ ଲାଗିହେଲା ଗଜଭୋଗ ଓ ତରଣ । ହଜାର ହଜାର ଶ୍ରଦ୍ଧାଳୁ ରାତି ତମାମ ଉଜାଗର ରହି ଭୋରରୁ ଏହି ପ୍ରସିଦ୍ଧ ଗଜଭୋଗ ଓ ତରଣ ପ୍ରସାଦ ପାଇଛନ୍ତି । ରାତ୍ରି ୩ଟାରେ ମହାପ୍ରଭୁଙ୍କ ପ୍ରଥମ ପହଡ଼ ଖୋଲାଯାଇ ୧୦୮ ଜଳରେ ମହାସ୍ନାନ ପରେ ଖେଚୁଡ଼ି ଭୋଗ ଓ ଗଜଭୋଗ ଲାଗିହୋଇଥିଲା ।
ମଙ୍ଗଳ ଆଳତୀ ସମାପ୍ତ ହେବାପରେ ସର୍ବସାଧାରଣଙ୍କ ଦର୍ଶନ ପାଇଁ ପହଡ଼ ଖୋଲାଯିବା ସହ ଶ୍ରଦ୍ଧାଳୁ ଭକ୍ତ ମାନଙ୍କ ଉଦ୍ଦେଶ୍ୟରେ ଗଜଭୋଗ ବିତରଣ ହୋଇଛି। ହଜାର ହଜାର ଭକ୍ତ ମହାପ୍ରଭୁଙ୍କ ଗଜଭୋଗ ପାଇ ଆନନ୍ଦ ଲାଭ କରିଛନ୍ତି । ଶୃଙ୍ଖଳିତ ଦର୍ଶନ ପାଇଁ ପ୍ରଶାସନ ପକ୍ଷରୁ ବ୍ୟାପକ ବ୍ୟବସ୍ଥା କରାଯାଇଛି ।
