ଭୁବନ(ବଡ଼ ଖବର ବ୍ୟୁରୋ): ସରକାରୀସ୍ତରରେ ବିଭିନ୍ନ ଅଞ୍ଚଳରେ ବିବାହ ବ୍ରତ ଓ ସଭାସମିତି ନିମନ୍ତେ ନିର୍ମାଣ ହୋଇଛି କଲ୍ୟାଣ ମଣ୍ଡପ । ଖର୍ଚ୍ଚ ହୋଇଛି ଲକ୍ଷାଧିକ ଟଙ୍କା । କିନ୍ତୁ ଢେଙ୍କାନାଳ ଜିଲ୍ଲା ଭୁବନର ପୃଷ୍ଟି ପୋଖରୀ ନିକଟରେ ଥିବା ମିନି କଲ୍ୟାଣ ମଣ୍ଡପ ଦୀର୍ଘ ୨ବର୍ଷ ତଳୁ ଉଦଘାଟନ ହୋଇଥିଲା । କିନ୍ତୁ ଏହା ଲୋକମାନଙ୍କ କାମରେ ଆସୁନି । ସ୍ଥାନୀୟ ଏନଏସି ପ୍ରଶାସନର ଅବହେଳାରୁ ମଣ୍ଡପଟି ବର୍ତ୍ତମାନ ପରିତ୍ୟକ୍ତ ହୋଇ ପଡିରହିଛି । ମଣ୍ଡପ ମଧ୍ୟରେ ପୂର୍ବରୁ ଅସାମାଜିକ କାର୍ୟ୍ୟ ଚାଲୁଥିଲା । ଏବେ କୌଣସି ବିଲଡର ଏହାକୁ ଦଖଲ କରିଛନ୍ତି । ବେସରକାରୀ ମଣ୍ଡପରେ ଅଧିକ ମୂଲ୍ୟ ଦେଇ ସାଧାରଣରେ ଲୋକମାନେ ବିବାହ, ବ୍ରତ କରି ଖର୍ଚ୍ଚାନ୍ତ ହେଉଛନ୍ତି । ମଣ୍ଡପଟି କାହା ସ୍ୱାର୍ଥ ବୋଲି ସାଧାରଣରେ ପ୍ରଶ୍ନବାଚୀ ସୃଷ୍ଟି ହେଉଛି ।
