ପୁଣି ଶ୍ରୀମନ୍ଦିର ଉପରେ ଉଡ଼ିଲା ଡ୍ରୋନ୍
ପୁରୀ (ବଡ଼ ଖବର ବ୍ୟୁରୋ): ସୁରକ୍ଷା ବ୍ୟବସ୍ଥାରେ ତ୍ରୁଟି । ପୁଣି ଶ୍ରୀମନ୍ଦିର ଉପରେ ଉଡ଼ିଲା ଡ୍ରୋନ୍ । ସକାଳୁ ଦୀର୍ଘ ସମୟ ଧରି ଶ୍ରୀମନ୍ଦିର ଚାରି ପାଖରେ ଉଡ଼ିଥିଲା ଡ୍ରୋନ୍ । ମାଟି ମଣ୍ଡପ ସାହି ମଙ୍ଗୁ ମଠ ନିକଟରୁ ଡ୍ରୋନ ଜବତ, ଚାଳକ ଅଟକ । କୋଲକାତାର ଜୟକୃଷ୍ଣ ମଣ୍ଡଳଙ୍କୁ ଅଟକ ରଖିଛି ସିଂହଦ୍ବାର ପୋଲିସ୍ । କିଛି ଦିନ ପରେ ରଥଯାତ୍ରା ଥିବାରୁ କଡ଼ା ସୁରକ୍ଷା ମଧ୍ୟରେ ପୁରୀ ସହର ରହିଛି । ଏତେ କଡ଼ା ସୁରକ୍ଷା ବଳୟ ସତ୍ତ୍ବେ ଶ୍ରୀମନ୍ଦିର ଉପରେ ଦୀର୍ଘ ସମୟ ଧରି ଡ୍ରୋନ୍ ଉଡିବା ଶ୍ରୀମନ୍ଦିର ସୁରକ୍ଷା ଉପରେ ବଡ ପ୍ରଶ୍ନବାଚୀ ସୃଷ୍ଟି ହୋଇଛି ।
ଗତକାଲି ଆତଙ୍କବାଦୀ ଆକ୍ରମଣକୁ ପ୍ରତିହତ କରିବା ପାଇଁ ଶ୍ରୀମନ୍ଦିର ନିକଟରେ ମକଡ୍ରିଲ୍ ଅନୁଷ୍ଠିତ ହୋଇଥିବା ବେଳେ ଆଜି ଶ୍ରୀମନ୍ଦିର ଉପରେ ଡ୍ରୋନ୍ ଉଡ଼ିବା ପୋଲିସକୁ ଖୋଲା ଚ୍ୟାଲେଞ୍ଜ ଦେଇଛି । ତେବେ ଯୁଦ୍ଧକାଳୀନ ଭିତ୍ତିରେ ଡ୍ରୋନ୍ ଉଡାଇଥିବା ବ୍ୟକ୍ତିଙ୍କୁ ପୋଲିସ ତରଫରୁ କାବୁ କରାଯାଇ ସିଂହଦ୍ଵାର ଥାନାକୁ ନିଆଯାଇଥିବା ବେଳେ ସମ୍ପୃକ୍ତ ଡ୍ରୋନ୍ କୁ ମଧ୍ୟ ଜଵତ କରାଯାଇଛି । ଡ୍ରୋନ୍ ଉଡାଉଥିବା ଯୁବକଙ୍କ ପରିଚୟ ବର୍ତ୍ତମାନ ସୁଦ୍ଧା ମିଳିପାରିନାହିଁ ।