ଅନୁଗୁଳ (ବଡ଼ ଖବର ବ୍ୟୁରୋ): ବଦଳିଲା ଫାଶୀ ଦଣ୍ଡାଦେଶର ରାୟ। ଯେଉଁ ସ୍ୱତନ୍ତ୍ର ପୋସ୍କୋ କୋର୍ଟ ଜଣେ ଦୁଷ୍କର୍ମ ହତ୍ୟାକାରୀକୁ ଫାଶୀଦଣ୍ଡ ଶୁଣାଇଥିଲେ ସେଇ ମାମଲାର ପୁନଃ ବିଚାର କରି ଅଭିଯୁକ୍ତକୁ ଆଜୀବନ କାରାଦଣ୍ଡ ଶୁଣାଇଛନ୍ତି। ଅନୁଗୋଳ ସ୍ୱତନ୍ତ୍ର ପୋସ୍କୋ କୋର୍ଟର ବିଚାରପତି ପ୍ରଭାକର ଗଣ୍ଠିଆ ଜାବତ ଜୀବନ କରାଦଣ୍ଡାଦେଶ ଶୁଣାଇଛନ୍ତି । ୨୦୧୯ ମେ ୨୬ ରେ ପୋସ୍କୋ କୋର୍ଟ ଅନୁଗୋଳ ଥାନା କାଙ୍ଗୁଳା ଗାଁର ଦୁଷ୍କର୍ମ ପରେ ହତ୍ୟା ଅଭିଯୋଗରେ ଅଭିଯୁକ୍ତ ଅନାମ ଦେହୁରୀକୁ ଫାଶୀଦଣ୍ଡ ଶୁଣାଇ ଥିଲେ।
ସେହି ବର୍ଷ ଜାନୁଆରୀ ୧୯ ରେ ଜଣେ ନାବାଳିକାଙ୍କୁ ଟେକି ନେଇ ଦୁଷ୍କର୍ମ କରିବା ପରେ ପଥର ଛେଚି ହତ୍ୟା କରିଥିଲା ଆନମ। ମୃତ ଶରୀର ସହ ଆଉ ଥରେ ଦୁଷ୍କର୍ମ କରିଥିଲା ଅଭିଯୁକ୍ତ । ପରେ ଏକ ବୁଦାମୂଳେ ପକାଇ ଫେରାର ହୋଇ ଯାଇଥିଲା। ବିଚାରପତି ଏହି ମାମଲାର ଶୁଣାଣି କରି ଅଭିଯୁକ୍ତକୁ ଫାଶୀ ଆଦେଶ ଦେଇଥିଲେ । ହାଇକୋର୍ଟଙ୍କ ଦ୍ୱାରସ୍ଥ ହୋଇଥିଲା ଅଭିଯୁକ୍ତ । ମାମଲାର ପୁନଃ ବିଚାର ପାଇଁ ହାଇକୋର୍ଟ ତଳ କୋର୍ଟଙ୍କୁ ପରାମର୍ଶ ଦେଇଥିଲେ ।
