ପିକଅପ ଭ୍ୟାନ୍କୁ ଧକ୍କା ଦେଲା ଆଇଚର, ଜଣେ ମୃତ, ୪ ଗୁରୁତର
ଟାଙ୍ଗି (ବଡ଼ ଖବର ବ୍ୟୁରୋ): ନୟାଗଡ ଜ଼ିଲ୍ଲା ଚାନ୍ଦପୁର ଥାନା ୧୬ନଂ ଜାତୀୟ ରାଜପଥ ଗୌରଚନ୍ଦ୍ରପୁର ଛକନିକଟରେ ଘଟିଛି ଏକ ମର୍ମନ୍ତୁତ ସଡ଼କ ଦୁର୍ଘଟଣା । ପିକଅପ ଭ୍ୟାନ୍ କୁ ଧକ୍କା ଦେଲ ଆଇଚର ଟ୍ରକ । ଘଟଣାରେ ଜଣଙ୍କର ମୃତ୍ୟୁ ହୋଇଥିବା ବେଳେ ୪ଜଣ ଗୁରୁତର ହୋଇଛନ୍ତି । ମୃତକ ଜଣଙ୍କ ହେଲେ କୁକୁଡ଼ାଝରି ଗ୍ରାମର ବିରଞ୍ଚି ତାଡ଼ । ସୂଚନା ଅନୁସାରେ ଆଜି ଭୋର ସମୟରେ କୁକୁଡ଼ା ଝରି ଗ୍ରାମର ୫ଜଣ ଶ୍ରମିକ ଢ଼ଳେଇ କାମ କରିବା ପାଇଁ ନିଜ ସରଞ୍ଜାମ ସହ ଏକ ପିକଅପ ଭ୍ୟାନରେ ବସି ବାଲୁଗାଁ ଅଭିମୁଖେ ଯାଉଥିଲେ ।
ଗୌରଚନ୍ଦ୍ରପୁର ଛକ ନିକଟରେ ଏକ ଆଇଚର ଟ୍ରକ ପିକଅପକୁ ପଛପଟୁ ଧକ୍କା ଦେଇଥିଲା । ଫଳରେ ଦୁର୍ଘଟଣାରେ ଜଣେ ଶ୍ରମିକଙ୍କର ମୃତ୍ୟୁ ହୋଇଥିବା ବେଳେ ୪ଜଣ ଶ୍ରମିକ ଗୁରୁତର ହୋଇଛନ୍ତି । ତେବେ ଖବର ପାଇଁ ଘଟଣା ସ୍ଥଳରେ ଚାନ୍ଦପୁର ପୋଲିସ ଓ ଟାଙ୍ଗୀ ଅଗ୍ନିଶମ ବାହିନୀ ପହଞ୍ଚି ଗୁରୁତରମାନଙ୍କୁ ଉଦ୍ଧାର କରି ଚାନ୍ଦପୁର ମେଡିକାଲରେ ଭର୍ତି କରାଯାଇଛି । ତେବେ ବାରମ୍ବାର ଏଭଳି ଦୁର୍ଘଟଣା ଘଟୁଥିବାରୁ ଏକ ଓଭର ବ୍ରଜ ନିର୍ମାଣ କରିବା ସହ ମୃତକଙ୍କ ପରିବାରକୁ କ୍ଷତି ପୂରଣ ଦାବିରେ ଗ୍ରାମବାସୀମାନେ ରାସ୍ତାରୋକ କରାଯାଇଛି ।