BSFର ଅଧିକାର କ୍ଷେତ୍ରକୁ ବୃଦ୍ଧି କରିବା ମଧ୍ୟ ଆଉ ଏକ କଳା ଆଇନ

ଚଣ୍ଡିଗଡ଼(ବଡ଼ ଖବର ବ୍ୟୁରୋ): କୃଷି ଆଇନ ପରେ BSFର ଅଧିକାର କ୍ଷେତ୍ରକୁ ବୃଦ୍ଧି କରିବା ମଧ୍ୟ ଆଉ ଏକ କଳା ଆଇନ । ସୀମା ସୁରକ୍ଷା ବଳର ଅଧିକାର କ୍ଷେତ୍ରକୁ ୧୫ରୁ ୫୦ କିଲୋମିଟର ପର୍ୟ୍ୟନ୍ତ ସମ୍ପ୍ରସାରଣ ଲାଗି କେନ୍ଦ୍ରର ନୂଆ ଆଇନକୁ ପଞ୍ଜାବ ମୂର୍ତ୍ତିକା ଓ ଜଳ ସଂରକ୍ଷଣ ମନ୍ତ୍ରୀ ରାଣା ଗୁରଜିତ ସିଂହ ଶୁକ୍ରବାର ରାଜ୍ୟ ଲାଗି ଆଉ ଏକ କଳା ଆଇନ ବୋଲି କହିଛନ୍ତି। ୩ ବିବାଦୀୟ କୃଷି ଆଇନକୁ ନେଇ ପଞ୍ଜାବ ଉଠୁଥିବା ପଡୁଥିବା ବେଳେ କେନ୍ଦ୍ର ସରକାର ଆଉ ଏକ କଳା ଆଇନ କରି ପଞ୍ଜାବ ଉପରେ ଥୋପିଥିବା କହିଛନ୍ତି ।

କେନ୍ଦ୍ର ସରକାରଙ୍କ ଏପରି ମନମାନିକୁ ରାଜ୍ୟରେ ଜୋରଦାର ବିରୋଧ କରାଯିବ ବୋଲି ରାଣା କହିଛନ୍ତି। ସୋମବାର ଏ ନେଇ ପଞ୍ଜାବ ମନ୍ତ୍ରୀମଣ୍ଡଳ ବୈଠକରେ ଆଲୋଚନା ହୋଇଥିଲା। ଏଥିରେ ଆଇନଶୃଙ୍ଖଳା ସମ୍ପର୍କିତ ମାମଲା ରାଜ୍ୟ ବିଷୟ ବୋଲି କୁହାଯାଇଥିଲା। ଯାହାକୁ ପୋଲିସ ସଫଳ ନିୟନ୍ତ୍ରିତ କରୁଥିବା ମନ୍ତ୍ରୀମାନେ କହିଥିଲେ। ଏଣୁ କେନ୍ଦ୍ରର ନୂଆ ସୀମା ଆଇନର ରାଜ୍ୟରେ କୌଣସି ଆବଶ୍ୟକତା ନଥିବା ମନ୍ତ୍ରୀମାନେ କହିଛନ୍ତି।