ରାୟପୁର(ବଡ଼ ଖବର ବ୍ୟୁରୋ): ରେଲୱେ ଷ୍ଟେସନରେ ବିସ୍ଫୋରଣ । ଛତିଶଗଡ଼ର ରାଜଧାନୀ ରାୟପୁର ରେଲୱେ ଷ୍ଟେସନରେ ଏକ ବଡ଼ ଧରଣର ବିସ୍ଫୋରଣ ହୋଇଛି । ଏହି ବିସ୍ଫୋରଣରେ କସିଆରପିଏଫର ୪ ଯବାନ ଆହତ ହୋଇଥିବାର ସୂଚନା ମିଳିଛି । ଆହତ ଯବାନମାନଙ୍କୁ ହସ୍ପିଟାଲରେ ଭର୍ତ୍ତି କରାଯାଇଛି । ବିସ୍ଫୋରଣ ପରେ ଷ୍ଟେସନ ପରିସରରେ ସୁରକ୍ଷା ବ୍ୟବସ୍ଥା କଡ଼ାକଡ଼ି କରାଯାଇଥିବାର ଦେଖିବାକୁ ମିଳିଛି ।
ସେପଟେ ରେଳୱେ ଷ୍ଟେସନର ଦୁଇ ନମ୍ବର ପ୍ଲାଟଫର୍ମରେ ବିସ୍ଫୋରକ ସାମଗ୍ରୀକୁ ଗୋଟିଏ ବଗିରୁ ଅନ୍ୟ ବଗିକୁ ସ୍ଥାନାନ୍ତର କରିବା ସମୟରେ ଏହି ବିସ୍ଫୋରଣ ଘଟିଥିବାର ଜଣାପଡିଛି । ସିଆରପିଏଫର ୨୧୧ ବାଟାଲିୟନ ଯବାନମାନେ ଏକ ସ୍ୱତନ୍ତ୍ର ଟ୍ରେନରେ ଜାମ୍ମୁ-କାଶ୍ମୀର ଯାଉଥିଲେ । ଏଥିଲାଗି ଗ୍ରେନେଡ ବଗିରେ ରଖାଯାଉଥିଲା । ଠିକ ଏହି ସମୟରେ ବଗିରେ ଗ୍ରେନେଡ ବିସ୍ଫୋରଣ ହୋଇଥିଲା ।
