https://youtu.be/iaM6qthFDEg
ଭୁବନେଶ୍ୱର (ବଡ଼ ଖବର ବ୍ୟୁରୋ): ଦାମ ରାଉତଙ୍କ ଉପରୁ ବହିଷ୍କାର ଉଠାଇଲା ବିଜେଡି । ବହିଷ୍କାର ହଟାଇଲେ ଦଳ ସଭାପତି ନବୀନ ପଟ୍ଟନାୟକ । ୨୦୧୮ରେ ବିଜେଡିରୁ ହୋଇଥିଲେ ବହିଷ୍କାର । ବିଜେଡିରୁ ବହିଷ୍କାର ପରେ ବିଜେପିରେ ଦେଇଥିଲେ ଯୋଗ । ୨୦୧୯ରେ ବିଜେପି ଟିକଟରୁ ଲଢିଥିଲେ । ପରେ ବିଜେପି ଛାଡିଥିଲେ ଦାମୋଦର ରାଉତ । ବିଜେପିରୁ ପରାଜିତ ହେବା ପରେ ଦାମ ବିଜେପି ଛାଡି ପୁଣିଥରେ ବିଜେଡିରେ ଯୋଗ ଦେବାକୁ ଇଚ୍ଛା ପ୍ରକାଶ କରିଥିଲେ ।
ଏପରିକି ବିଜେପିରେ ଯୋଗ ଦେଇ ଭୁଲ କରିଥିଲି ବୋଲି କହିଥିଲେ । ବିଜେଡିରେ ଯୋଗ ଦେବାକୁ ଦାମ ଚାହିଁଥିଲେ ମଧ୍ୟ ସବୁଜ ସଂକେତ ଦେଇନଥିଲେ ନବୀନ । ତେବେ ନିର୍ବାଚନ ପୂର୍ବରୁ ଦାମଙ୍କୁ ପୁଣିଥରେ ଦଳରେ ସାମିଲ କଲେ ବିଜେଡି ସୁପ୍ରିମୋ । ଦାମଙ୍କ ଉପରୁ ବହିଷ୍କାର ଆଦେଶ ହଟିବା ପରେ ପୁଅ ସମ୍ବିତ ରାଉତରାୟ କହିଛନ୍ତି, ବାପାଙ୍କ ଉପରୁ ବହିଷ୍କାର ଆଦେଶ ହଟିବା ପରେ ମୁଁ ବହୁତ ଖୁସି ।
