ଶ୍ରୀମନ୍ଦିରରୁ ଧରାପଡ଼ିଲା ଫେକ୍ ଆର୍ମି ଅଫିସର

ପୁରୀ (ବଡ଼ ଖବର ବ୍ୟୁରୋ): ଶ୍ରୀମନ୍ଦିର ଭିତରେ ଫେକ୍ ଆର୍ମିଙ୍କୁ ଧରିଲେ ଏନଫୋର୍ସମେଣ୍ଟ ସ୍କ୍ୱାର୍ଡ। ଆର୍ମି ଅଫିସର ପରିଚୟ ଦେଇ ଶ୍ରୀମନ୍ଦିର ଭିତରକୁ ପ୍ରବେଶ କରିଥିବାବେଳେ ଧରାପଡିଛି ଜଣେ ବ୍ୟକ୍ତି। ରାଜସ୍ଥାନର ବୋଲି ନିଜକୁ ପରିଚୟ ଦେଉଛି ଉକ୍ତ ବ୍ୟକ୍ତି। ଆର୍ମି ବେଶ ପୋଷାକ ସହ ତାର କାନ୍ଧରେ ଅଶୋକ ସ୍ତମ୍ଭ ମଧ୍ୟ ରହିଛି। ହିନ୍ଦୀ ଭାଷାରେ କଥାବାର୍ତ୍ତା କରୁଛି ସମ୍ପୃକ୍ତ ବ୍ୟକ୍ତି। ସିଂହଦ୍ଵାର ଥାନା ପୋଲିସ ସମ୍ପୃକ୍ତ ବ୍ୟକ୍ତି କୁ ଅଟକ ରଖି ପଚରାଉଚୁରା କରୁଛି।  ସନ୍ଦିଗ୍ଧ ବ୍ୟକ୍ତିଙ୍କୁ ସିଂହଦ୍ଵାର ଥାନା ପୋଲିସ ଅଟକ ରଖି ପଚରାଉଚରା କରୁଛି ।

ରବିବାର ସକାଳେ ଜଣେ ଦଲାଲକୁ ଧରିଛନ୍ତି ସେବାୟତ । ଧରାପଡ଼ିଥିବା ଯୁବକ ଜଣକ ହେଲେ ଓମ୍ ପ୍ରକାଶ ପାଣି । ତାଙ୍କ ମାଆ ଜଣେ ହୋମଗାର୍ଡ ହୋଇଥିବାବେଳେ ସେ ଦଲାଲ । ପୁରୀ ଶ୍ରୀମନ୍ଦିରକୁ ପ୍ରତିଦିନ ହଜାର ହଜାର ଭକ୍ତ ଆସୁଥିବା ବେଳେ ଭିଆଇପି ଦର୍ଶନ ନାଁରେ ଦଲାଲ୍ ମାନେ ଭକ୍ତଙ୍କୁ ଶୋଷଣ କରୁଛନ୍ତି । ଖବର ପ୍ରସାରଣ ପରେ ୧୩ ଜଣ ଗିରଫ ହେଲେଣି । ଆଉ ଏବେ ଫେକ୍ ଆର୍ମି ଅଫିସରଙ୍କୁ ଧରାଯାଇଛି ।