ସୋନପୁର (ବଡ଼ ଖବର ବ୍ୟୁରୋ): ବୃହତ ଉଠାଜଳସେଚନ ପ୍ରକଳ୍ପରୁ ପାଣି ନପାଇବା କୁ ନେଇ ଗର୍ଜିଲେ ଚାଷୀ । ତରଭା – କଣ୍ଟାମଲ ରାସ୍ତା ଗୁଞ୍ଜିମୁଣ୍ଡା ଛକରେ ରାସ୍ତାରୋକ କରିଛନ୍ତି ଏହି ପ୍ରକଳ୍ପ ପାଖର ଚାଷୀ । କିଛି ବର୍ଷ ପୂର୍ବେ ତରଭା ନିକଟ ମାରାଡୁଗୋଚ୍ଛା ପଂଚାୟତ ଗୁର୍ଜିମୁଣ୍ଡା ନିକଟରେ ପ୍ରାୟ ୮୦୦ ହେକ୍ଟର ଚାଷଜମିକୁ ଜଳସେଚନ ପାଇଁ ନିର୍ମାଣ କରା ଯାଇଥିଲା ଏହି ପ୍ରକଳ୍ପ । ପାଖାପାଖି ୧୪ କୋଟି ଟଙ୍କା ବ୍ୟୟରେ ନିର୍ମାଣ ହେଲା ସତ କିନ୍ତୁ ଅଫିସର ଏବଂ ଠିକାଦାରଙ୍କ ଦୂରଦୃଷ୍ଟି ଅଭାବ ଓ ଲାଭଖୋର ମନବୃତ୍ତି ଯୋଗୁଁ ପାଣି ପାଉନାହାନ୍ତି ଚାଷୀ ।
ବର୍ତ୍ତମାନ ମରୁଡି ଆଶଙ୍କାରେ ଥିବାରୁ ଆଜି ଚାଷୀମାନେ ରାସ୍ତାରୋକ କରିଛନ୍ତି । ଘାଟଣା ସ୍ଥଳରେ ତରଭା ତହସିଲଦାର, ଉଠାଜଳସେଚନ ବିଭାଗର ଯନ୍ତ୍ରୀ ଏବଂ ସୋନପୁର ଏସଡିପିଓ ପହଂଚି ଆନ୍ଦୋଳନକାରୀଙ୍କୁ ବୁଝାସୁଝା କରୁଥିଲେ ବି ଚାଷୀ ଅମଙ୍ଗ ଅଛନ୍ତି । ଚାଷୀଙ୍କ ଗୋଟିଏ ଦାବି ଏହି ଉଠା ଜଳସେଚନ ପ୍ରକଳ୍ପରୁ ପାଣି ଦିଅ ନହେଲେ କୃଷି ବୀମାରେ ସାମିଲ କର । ଦାବି ପୂରଣ ନହେବା ପର୍ୟ୍ୟନ୍ତ ଆନେ୍ଦାଲାନରୁ ହଟିବେନି ଚାଷୀ ବୋଲି ଚେତାବନୀ ଦେଇଛନ୍ତି ।
