ସୁଦାନରେ ଯୁଦ୍ଧବିରତି ଶେଷ, ପୁଣି ଲଢେଇ ଆରମ୍ଭ
ନୂଆଦିଲ୍ଲୀ (ବଡ଼ ଖବର ବ୍ୟୁରୋ): ସୁଦାନକୁ ନିଜ ନିୟନ୍ତ୍ରଣକୁ ନେବା ପାଇଁ ଲଢେଇ ଜାରି ରହିଛି । ସେନା ଓ ଅର୍ଦ୍ଧସାମରିକ ବାହିନୀ ମଧ୍ୟରେ ୩ ସପ୍ତାହ ଯୁଦ୍ଧ ଲାଗି ରହିଛି। ସାମରିକ ଯୁଦ୍ଧବିରତି ଶେଷ ହେବାପରେ ଲଢ଼େଇ ପୁଣି ଆରମ୍ଭ ହୋଇଛି । ଖାରତୁମରେ ଦୁଇ ପକ୍ଷ ମଧ୍ୟରେ ଚାଲିଥିବା ଯୁଦ୍ଧରେ ସାଧାରଣ ଲୋକେ ବଳି ପଡ଼ୁଛନ୍ତି। ରାଜଧାନୀ ଖାରତୁମ୍ରେ ସ୍ୱାସ୍ଥ୍ୟସେବା ଭୁଶୁଡ଼ି ପଡ଼ିଛି । ଏହି ପରିସ୍ଥିତିରେ ଦେଶ ଛାଡ଼ି ହଜାର ହଜାର ଲୋକ ପଳାୟନ କରୁଥିବା ବେଳେ ଭାରତ ପକ୍ଷରୁ ସେଠାରେ ଫସିଥିବା ଭାରତୀୟମାନଙ୍କୁ ଉଦ୍ଧାର କରାଯାଉଛି। ୟୁଏଇ, ଇଂଲଣ୍ଡ ଓ ଆମେରିକା ନିଜ ନାଗରିକଙ୍କୁ ଉଦ୍ଧାର କରୁଥିବା ବେଳେ ଭାରତ ‘ଅପରେସନ କାବେରୀ’ ଜରିଆରେ ସାଉଦି ଆରବ ସହାୟତାରେ ନିଜ ଲୋକଙ୍କୁ ଉଦ୍ଧାର ଅଭିଯାନ ଜାରି ରଖିଛି। ଏପ୍ରିଲ ୧୫ରୁ ସୁଦାନର ସେନା ଓ ଅର୍ଦ୍ଧସାମରିକ ବାହିନୀ ମଧ୍ୟରେ ଏହି ଯୁଦ୍ଧ ଲାଗିରହିଛି। ଏ ପର୍ଯ୍ୟନ୍ତ ସୁଦାନରୁ ୭୫,୦୦୦ରୁ ଅଧିକ ଲୋକ ସ୍ଥାନାନ୍ତରିତ ହୋଇଥିବା ଜାତିସଂଘ ରିପୋର୍ଟରୁ ଜଣାପଡ଼ିଛି।