ବାନପୁର(ବଡ଼ ଖବର ବ୍ୟୁରୋ): ବନବିଭାଗର ଚୋରା କାରବାର ପର୍ଦାଫାସ । ବାଲୁଗାଁ ରେଞ୍ଜ ଅରାଙ୍ଗ ୬ ନମ୍ବର ସେକ୍ସନ କିଆଗରଡ଼ା ଗ୍ରାମ ନିକଟରେ ବନବିଭାଗଙ୍କ ଓ ମାଫିଆଙ୍କ ଉପସ୍ଥିତିରେ ଲକ୍ଷାଧିକ ଟଙ୍କାର କାଠ ଚୋରି କରିବା ସମୟରେ ସ୍ଥାନୀୟ ଗ୍ରାମବାସୀ ପହଞ୍ଚି କାଠ ଜବତ କରିବା ସହ ୩ ଜଣ ବନବିଭାଗ କର୍ମଚାରୀଙ୍କୁ ଅଟକ ରଖିଛନ୍ତି । ବିଗତ ଦିନମାନଙ୍କରେ ବନବିଭାଗ ଦ୍ଵାରା ସାଗୁଆନ କାଠର ଚୋର ଚାଲାଣ ଆଜି ଧରପଡିବା ପରେ ପର୍ଦାଫାସ ହୋଇଛି ।
ବନବିଭାଗ ଜଙ୍ଗଲକୁ ରକ୍ଷା କରୁଥିବା ସମୟରେ ଭାରତର ସର୍ବ ବୃହତ ସଂରକ୍ଷଣ ଜଙ୍ଗଲ ଦାମିଆ ବରାବରା ଜଙ୍ଗଲର ଦାୟିତ୍ୱ କିଭଳି ଭାବେ ପରିଚାଳନା କରୁଛନ୍ତି ଆଜି ତାହାର ନଗ୍ନ ଚିତ୍ର ଦେଖିବାକୁ ମିଳୁଛି ବାଲୁଗାଁ ରେଞ୍ଜ ଅରାଙ୍ଗ ୬ ନମ୍ବର ସେକ୍ସନରେ କିଆଗରଡ଼ା ନିକଟରେ ।
