ସାପ କାମୁଡ଼ାରେ ୪ଜଣଙ୍କ ମୃତ୍ୟୁ
ଗଞ୍ଜାମ/କେନ୍ଦୁଝର (ବଡ଼ ଖବର ବ୍ୟୁରୋ): ସାପ କାମୁଡ଼ାରେ ୪ଜଣଙ୍କ ମୃତ୍ୟୁ। କେନ୍ଦୁଝରରେ ୨ ଓ ଗଞ୍ଜାମରେ ୨ଜଣଙ୍କ ମୃତ୍ୟୁ । କେନ୍ଦୁଝର ଘସିପୁରା ରାଧିକାଦେଇପୁରରେ ୨ ମୃତ । ଶୋଇଥିବା ବେଳେ ମାଆ ଓ ପୁଅଙ୍କୁ କାମୁଡ଼ିଥିଲା ସାପ । ଘଷିପୁରାର ଜେମାମଣୀ ଓ ୧୦ବର୍ଷିୟ ପୁଅ ଗଣେଶ ରାତିରେ ଖାଇସାରି ଘରେ ଶୋଇଥିଲେ । ରାତି ୧ଟା ସମୟରେ ଉଭୟ ହଠାତ୍ ଗୁରୁତର ହୋଇପଡିବାରୁ ସ୍ବାମୀ ସୁନିଲ ଉଭୟଙ୍କୁ ନିକଟସ୍ଥ କେଶଦୂରପାଳ ସ୍ବାସ୍ଥ୍ୟକେନ୍ଦ୍ରରେ ଭର୍ତ୍ତି କରିଥିଲେ ।
ହେଲେ ସେଠାରେ ଅବସ୍ଥା ସଂକଟାପନ୍ନ ହେବାରୁ ଉଭୟଙ୍କୁ ଡାକ୍ତର ଆନନ୍ଦପୁର ଡାକ୍ତରଖାନା ନେବାକୁ ପରାମର୍ଶ ଦେଇଥିଲେ । ହେଲେ ଆମ୍ବୁଲାନ୍ସ ନମିଳିବାରୁ ବିଳମ୍ବରେ ଏକ ପ୍ରାଇଭେଟ୍ କାର ଭଡାକରି ଉଭୟଙ୍କୁ ଆନନ୍ଦପୁର ମେଡିକାଲ ପହଁଞ୍ଚାଇଥିଲେ । ତେବେ ଆନନ୍ଦପୁର ମେଡ଼ିକାଲରେ ପହଁଞ୍ଚିବା ପୂର୍ବରୁ ପୁଅର ମୃତ୍ୟୁ ଘଟିଥିବାବେଳେ ଚିକିତ୍ସାଧିନ ଅବସ୍ଥାରେ ମା’ର ମୃ୍ତ୍ୟୁ ହୋଇଛି । ସେହିପରି ଗଞ୍ଜାମରେ ସାପ କାମୁଡ଼ାରେ ମାଇଁ ଓ ଭାଣିଜୀ ମୃତ । ଗଞ୍ଜାମ ଜରଡା ଥାନା ପାତ୍ରପୁର ବ୍ଲକ ବିଲୁ ଗାଁର ଘଟଣା ।