ବଦଳିବ ଭୁବନେଶ୍ୱର ମାଷ୍ଟରକ୍ୟାଣ୍ଟିନ ନାଁ

ଭୁବନେଶ୍ୱର(ବଡ଼ ଖବର ବ୍ୟୁରୋ): ବଦଳିବ ଭୁବନେଶ୍ୱର ମାଷ୍ଟରକ୍ୟାଣ୍ଟିନ ନାଁ । ପୁନଃନାମକରଣ କରିବାକୁ ଆରମ୍ଭ ହୋଇଛି ପ୍ରକ୍ରିୟା । ଓଡ଼ିଶାରେ ଓଡ଼ିଆ ଅସ୍ମିତାକୁ ଦିଆଯିବ ଗୁରୁତ୍ୱ । ଇଂରେଜ ଅମଳରୁ ଥିବା କିଛି ନାଁ ହେବ ପରିବର୍ତ୍ତନ । ଓଡ଼ିଶାର ବରପୁତ୍ର ନାମରେ ନାମିତ ହେବ ସ୍ଥାନ । ମୁଖ୍ୟମନ୍ତ୍ରୀ ମୋହନ ଚରଣ ମାଝୀ ନିଷ୍ପତ୍ତି ନେଇଥିବା କହିଛନ୍ତି ଗୃହ ନିର୍ମାଣ ଓ ନଗର ଉନ୍ନୟନ ମନ୍ତ୍ରୀ କୃଷ୍ଣଚନ୍ଦ୍ର ମହାପାତ୍ର । ମାଷ୍ଟରକ୍ୟାଣ୍ଟିନ ଛକର ନାଁ ବଦଳିଲେ କ’ଣ ରହିବ? କଳିଙ୍ଗ, ଉକ୍ରଳ, ପାଇକ, ଜୟୀ ରାଜଗୁରୁ ନା ଅନ୍ୟ କିଛି?

ଏପରିକି ବିଧାନସଭା ଛକରେ ନାମିତ କରିବାକୁ ଦାବି ହେଉଥିବା ଜଣାପଡ଼ିଛି । ଇଂରେଜ ଅମଳରୁ ରହି ଆସିଛି ମାଷ୍ଟରକ୍ୟାଣ୍ଟିନର ନାମ । ସମୟ ବଦଳିବା ସହ ଏହି ଛକର ନାମ ପରିବର୍ତ୍ତନ ଲାଗି ଦାବି ଉଠିଛି । ସରକାର ଏହାକୁ ବିଚାରକୁ ନେଇଛନ୍ତି । ଇତିହାସ, ସଂସ୍କୃତି, ପାରମ୍ପରିକ ମୂଲ୍ୟବୋଧକୁ ଦୃଷ୍ଟିରେ ରଖି ନାମ ପରିବର୍ତ୍ତନ କରିବାର ଆବଶ୍ୟକତା ରହିଛି । ହେଲେ ନାମ ପରିବର୍ତ୍ତନ ପୂର୍ବରୁ ସରକାରଙ୍କୁ ବିରୋଧରେ ଶିକାର ହେବାକୁ ପଡ଼ିପାରେ ।