ଆସାମ ସିଏମଙ୍କ ବଦଳିଲା ଟ୍ୱିଟର ବାୟୋ, ଇଣ୍ଡିଆ ବଦଳରେ ରଖିଲେ ଭାରତ
ନୂଆଦିଲ୍ଲୀ (ବଡ଼ ଖବର ବ୍ୟୁରୋ): ପରିବର୍ତ୍ତନ ହେଲା ୟୁପିଏର ନାଁ । ନୂଆ ପରିଚୟ ପାଇଲା ବିରୋଧୀଙ୍କ ମେଂଟ । ଇଣ୍ଡିଆ ନାଁରେ ମିଳିଲା ସହମତି । ବେଙ୍ଗାଳୁରୁରେ ୨୬ ରାଜନୈତିକ ଦଳର ମିଳିତ ବୈଠକରେ ନିଆଯାଇଛି ଏହି ନିଷ୍ପତି । ପ୍ରେସମିଟ ଜରିଆରେ ସୂଚନା ଦେଇଛନ୍ତି କଂଗ୍ରେସ ଅଧ୍ୟକ୍ଷ ମଲ୍ଲିକାର୍ଜୁନ ଖଡଗେ । ମେଣ୍ଟର ନା ବଦଳିବା ପରେ ଏବେ ଜୋର ଧରିଛି ରାଜନୀତି । ଆସାମ ମୁଖ୍ୟମନ୍ତ୍ରୀ ହିମନ୍ତ ବିଶ୍ୱଶର୍ମା କହିଛନ୍ତି, ବ୍ରିଟିଶ ଶାସକ ଆମର ନାଁ ଇଣ୍ଡିଆ ରଖିଥିଲେ । ଆମ ପୂର୍ବଜମାନେ ଦେଶ ପାଇଁ ଲଢିଥିଲେ । ଆଉ ଆମେ ଦେଶ ପାଇଁ କାମ କରିବା ଉଚିତ୍ ।
Our civilisational conflict is pivoted around India and Bharat.The British named our country as India. We must strive to free ourselves from colonial legacies. Our forefathers fought for Bharat, and we will continue to work for Bharat .
BJP for BHARAT
— Himanta Biswa Sarma (@himantabiswa) July 18, 2023
ଖାଲି ସେତିକି ନୁହେଁ ହିମନ୍ତ ବିଶ୍ୱଶର୍ମା ତାଙ୍କ ଟ୍ୱିଟର ବାୟୋକୁ ଚେଞ୍ଜ କରି ଚିଫ୍ ମିନିଷ୍ଟର ଆସାମ, ଇଣ୍ଡିଆ ବଦଳରେ ଚିଫ୍ ମିନିଷ୍ଟର ଆସାମ, ଭାରତ ବୋଲି ଲେଖିଛନ୍ତି । ସେ ଆହୁରି ମଧ୍ୟ କହିଛନ୍ତି କଂଗ୍ରେସ ଏହାକୁ ଠିକ୍ ବୋଲି ଗ୍ରହଣ କରିଛି । ଇଣ୍ଡିଆକୁ ବିଦେଶରେ ଲଗାତର ବଦନାମ କରି ଚାଲିଥିବା ବିରୋଧୀ ଦଳମାନେ ଏବେ ଇଣ୍ଡିଆ ନାଁର ସାହାର ନେବାକୁ ଚାହୁଁଛନ୍ତି । ଏହାର ଜବାବରେ କଂଗ୍ରେସ ନେତା ଜୟରାମ ରମେଶ କହିଛନ୍ତି ବିରୋଧୀ ଦଳ ମେଣ୍ଟର ନାଁକୁ ନେଇ କୌଣସି ଦ୍ୱନ୍ଦ୍ୱ ନାହିଁ । ଏବାବଦରେ ବିଭ୍ରାନ୍ତ ସୃଷ୍ଟି କରୁଛି ବିଜେପି ।