ବାଲେଶ୍ୱର (ବଡ଼ ଖବର ବ୍ୟୁରୋ): ଆଲବମ କୁଇନରୁ ଗ୍ୟାଙ୍ଗଷ୍ଟର ହାଇଦର ସହଯୋଗୀ । ହାଇଦର ଫେରାର ଘଟଣାରେ ପୋଲିସ ତିନିଜଣଙ୍କୁ ଗିରଫ କରିଛି । ସେମାନଙ୍କ ମଧ୍ୟରୁ ବାଲେଶ୍ବର ଜିଲ୍ଳା ଭୋଗରାଇ ପସରବିନ୍ଧା ପଞ୍ଚାୟତ ମୁସଦପୁର ଗ୍ରାମର ଅର୍ଚ୍ଚନା ପରିଡା ଓରଫ ଗେଲୀର ଏବେ ଆଉ ଏକ ଆଲବମ୍ ଭିଡିଓ ଭାଇରାଲ ହେବାରେ ଲାଗିଛି । ସେଥିରେ ସେ ନାୟିକା ଭାବେ ନଜରରେ ଆସିଛନ୍ତି ।
ପୁଣି ଏକ ଫଟୋରେ ଗେଲୀ ପିନ୍ଧିଥିବା ସୁନାହାରକୁ ନେଇ ମଧ୍ୟ ସନ୍ଦେହ କରାଯାଉଛି । ତାଙ୍କ ବେକରେ ଝୁଲୁଥିବା ହାରଟି ଲକ୍ଷାଧିକ ଟଙ୍କା ହେବ ବୋଲି ସନ୍ଦେହ କରାଯାଉଛି । ଜଣେ ମଧ୍ୟବିତ ପରିବାର ଝିଅ ହୋଇ ଏତେ ଟଙ୍କାର ହାର କିଣିବା ପାଇଁ ଟଙ୍କା ଆସିଲା କେଉଁଠୁ ? ଅର୍ଚ୍ଚନା ଜଣେ ମାନସିକ ବିକୃତ ବୋଲି ପରିବାର ଲୋକେ ଅଭିଯୋଗ କରୁଥିଲା ବେଳେ ସେ କେମିତି ଚାକରି କରୁଥିଲା ଏବଂ ଏତେ ଟଙ୍କା ଅଳ୍ପଦିନରେ କେମିତି ଆୟ କଲା ତାହା ସମସ୍ତଙ୍କୁ ଚକିତ କରିଛି ।
