ଗଞ୍ଜାମ ମଡେଲରୁ ଅନେକ କିଛି ଶିଖିହେବ – ଅକ୍ସଫୋର୍ଡ ବିଶ୍ୱ ବିଦ୍ୟାଳୟ
ଭୁବନେଶ୍ୱର, (ବଡ଼ ଖବର ବ୍ୟୁରୋ) : ରାଜ୍ୟରେ ଦିନ କୁ ଦିନ ହୁ ହୁ ହୋଇ ବଢି ଚାଲିଛି କରୋନା । ଏଯାବତ ରାଜ୍ୟରେ ମୋଟ ୨ଲକ୍ଷ ୪୪ ହଜାର ୧୪୨ ଜଣ କରୋନା ସଂକ୍ରମିତ ଚିହ୍ନଟ ହୋଇଛନ୍ତି । ଏହି ଭିତରେ ଅକ୍ସଫୋର୍ଡ ବିଶ୍ୱ ବିଦ୍ୟାଳୟ ଗଞ୍ଜାମ ମଡେଲକୁ ପ୍ରଶଂସା କରିଛନ୍ତି । କରୋନା ନିୟନ୍ତ୍ରଣ ପାଇଁ ଗଞ୍ଜାମ ବିଶ୍ୱ ପାଇଁ ଉଦାହରଣ ବୋଲି କହିଛି ଅକ୍ସଫୋର୍ଡ ବିଶ୍ୱ ବିଦ୍ୟାଳୟ । ଗଞ୍ଜାମ ଓ ମହାରାଷ୍ଟ୍ରର ଧାରାବୀରେ ଯେଉଁ ଭଳି ଭାବେ କରୋନା ବ୍ୟାପିଥିଲା କିନ୍ତୁ କରୋନା ନିୟନ୍ତ୍ରଣ ପାଇଁ ରାଜ୍ୟ ସରକାରଙ୍କ ଦ୍ୱାରା ନିଆଯାଇଥିବା ମଡେଲ ପ୍ରଶଂସନୀୟ ବୋଲି ଦର୍ଶାଯାଇଛି । ସଂକ୍ରମଣ ରୋକିବା ପାଇଁ ଛୋଟ ଛୋଟ ଅଞ୍ଚଳ ପ୍ରତି ଧ୍ୟ୍ୟାନ ଦେବା ଉଚ୍ଚକୋଟୀର ପଦକ୍ଷେପ ବୋଲି କହିଛନ୍ତି ।
Ganjam earned praise from @UniofOxford for its successful model of #COVID19 infection prevention. The district excelled in #CovidManagement by empowering sarpanchs, forming committees in villages for intensive screening & by ensuring proper healthcare. https://t.co/jTSG0JWrcv
— CMO Odisha (@CMO_Odisha) October 8, 2020
ବିଶେଷ କରି ଯେଉଁଭଳି ଭାବେ ସରପଞ୍ଚଙ୍କୁ କାର୍ଯ୍ୟରେ ଲଗାଇଥିଲେ ଏବଂ ପ୍ରତି ଗାଁରେ କୋଭିଡ ମ୍ୟାନେଜମେଣ୍ଟ କମିଟି ଗଠନ କରାଗଲା ତାହା ଉଚ୍ଚ ପ୍ରଶଂସନୀୟ । ଦିନ ଥିଲା ଗଞ୍ଜାମ ଓ ଧାରାବୀରେ ହଜାର ହଜାର ଲୋକ ସଂକ୍ରମିତ ଚିହ୍ନଟ ହେଉଥିଲେ କିନ୍ତୁ ଆଜି ସେଠାରେ ଦୁଇ ଶହରୁ ବି କମ୍ ରୋଗୀ ଅଛନ୍ତି । କୋରୋନା ସଂକ୍ରମଣ ନେଇ ୩୧୦ଟି ସହରରେ ଅନୁଧ୍ୟାନ କରିଥିଲା ଅକ୍ସଫୋର୍ଡ ବିଶ୍ୱ ବିଦ୍ୟାଳୟ । ଗଞ୍ଜାମ ଓ ଧାରାବୀରୁ ଅନେକ କିଛି ଶିଖିହେବ ବୋଲି କହିଛି ଅକ୍ସଫୋର୍ଡ ବିଶ୍ୱ ବିଦ୍ୟାଳୟ ।