ଅନୁଗୁଳ(ବଡ଼ ଖବର ବ୍ୟୁରୋ): ଅନୁଗୁଳ ଛେଣ୍ଡିପଦାରେ ଲକ୍ଷ ଲକ୍ଷ ଟଙ୍କାର ଗଞ୍ଜେଇ ଚାଷ ନଷ୍ଟ କରାଯାଇଛି । ଗଞ୍ଜେଇ ଚାଷ ଏବଂ ଗଞ୍ଜେଇ ମାଫିଆଙ୍କ ରାଜୁତି ଯୋଗୁଁ ସମଗ୍ର ଜିଲ୍ଲାରେ ଅଶାନ୍ତ ବାତାବରଣ ସୃଷ୍ଟି ହୋଇଥିଲା । ଜିଲ୍ଲା ପ୍ରଶାସନ ତରଫରୁ କ୍ରମାଗତ ଭାବେ ଏହି ଚଢାଉ ଜାରି ରହିଥିବା ବେଳେ ଆଜି ପୁଣି ଏହି ଚଢାଉ କରାଯାଇଥିଲା । ଏହି ଚଢାଉରେ ଅନୁଗୁଳ ଅବକାରୀ ବିଭାଗ , ଜଙ୍ଗଲ ବିଭାଗ ଓ ରାଜସ୍ୱ ବିଭାଗ ସାମିଲ ଥିବା ଜଣାପଡିଛି । ପ୍ରାୟ ୮୦ ଡିସିମିଲ ସରକାରୀ ଜମି ଉପରେ ବେଆଇନ ଗଞ୍ଜେଇ ଚାଷ କରଯାଇଥିବାବେଳେ ୯୫୬ଟି ଗଛ କଟାଯିବା ସହ ନିଆଁ ଲଗାଇ ପୋଡି ଦିଆଯାଇଥିବା ସୂଚନା ମିଳିଛି । ତେବେ ଏହି ଚଢାଉ ଆଗାମୀ ଦିନରେ ମଧ୍ୟ ଜାରି ରହିବ ବୋଲି ସୂଚନା ମିଳିଛି ।
