ଗଙ୍ଗାନଦୀରୁ ଉଦ୍ଧାର ହେଲା ଶିଶୁକନ୍ୟା
ଲକ୍ଷ୍ନୌ(ବଡ଼ ଖବର ବ୍ୟୁରୋ): ପୁରାଣ ମହାଭାରତରେ ବର୍ଣ୍ଣନା ଅଛି ରାଜକୁମାରୀ କୁନ୍ତୀ ତାଙ୍କ ନବଜାତ ପୁଅ କର୍ଣ୍ଣଙ୍କୁ ଏକ ମଞ୍ଜୁସାରେ ରଖି ନଦୀରେ ଭସାଇ ଦେଇଥିଲେ । ପାଉ କର୍ଣ୍ଣଙ୍କୁ ନଦୀରୁ ଉଦ୍ଧାର କରି ଅଦିରଥ ପାଳିଥିଲେ । ଆମେ ଆପଣଙ୍କୁ ଏକଥା କହିବାର ଉଦ୍ଦେଶ୍ୟ ହେଉଛି, ସେଭଳି ଏକ ଝିଅ ଗଙ୍ଗାନଦୀରୁ ଉଦ୍ଧାର ହୋଇଛି । ୨୧ଦିନର ଗୋଟିଏ ଶିଶୁକନ୍ୟାକୁ କେହି କାଠବାକ୍ସରେ ରଖି ଗଙ୍ଗାନଦୀରେ ଭସାଇଦେଇଥିଲା । ବୁଧବାର ଉତ୍ତରପ୍ରଦେଶ ଘାଜିପୁରର ଗଙ୍ଗାନଦୀରୁ ଏହି ଶିଶୁକନ୍ୟାକୁ ଉଦ୍ଧାର କରାଯାଇଛି । ନଦୀର ସ୍ରୋତରେ ଭାସିଯାଉଥିବା କାଠବାକ୍ସ ଭିତରୁ କିଛି ଲୋକ ଶିଶୁର ବିକଳ ଚିକ୍ରାର ଶୁଣିଥିଲେ । ପରେ ସେମାନଙ୍କ ମଧ୍ୟରୁ ଜଣେ ନଦୀକୁ ଡେଇଁ କାଠବାକ୍ସକୁ କୂଳକୁ ଆଣିଥିଲେ ।
ଆଉ କାଠବାକ୍ସ ଖୋଲିବା ପରେ ଦନୀକୂଳରେ ରୁଣ୍ଡ ହୋଇଥିବା ଲୋକମାନେ ଚକିତ ହୋଇଯାଇଥିଲେ । ସ୍କାର୍ପରେ ଗୁଡାଯାଇଥିବା ୨୧ଦିନର ଶିଶୁ ନିକଟରେ ତାର ଯାତକ ଓ ଦେବଦେବୀଙ୍କ ଫଟୋ କାଠବାକ୍ସ ଭିତରେ ରଖାଯାଇଥିଲା । ଏହି ଶିଶୁକୁ ଉଦ୍ଧାର କରିଥିବା ଲୋକ ଜଣକ କହିଛନ୍ତି, ତାଙ୍କୁ ଗଙ୍ଗାମାତା ଏହି ଶିଶୁକନ୍ୟା ଦେଇଛନ୍ତି । ଗଙ୍ଗାମାତାଙ୍କ ଆଶୀର୍ବାଦରୁ ଶିଶୁକନ୍ୟାକୁ ପାଇଥିବାରୁ ତା’କୁ ଳାଳନପାଳନ କରି ଭଲ ମଣିଷ କରିବେ ଡାକ୍ତରୀ ପରୀକ୍ଷା ପରେ ଶିଶୁକନ୍ୟାଟି ସମ୍ପୂର୍ଣ୍ଣ ସୁସ୍ଥ ଥିବା ଜଣାଯାଇଛି ।