ଭୁବନେଶ୍ୱର (ବଡ଼ ଖବର ବ୍ୟୁରୋ): ଆଜି ବିଧାନସଭାର ଚତୁର୍ଥ ଦିନ । ୩ ଦିନ ହୋ-ହଲ୍ଲା ପରେ ସ୍ୱାଭାବିକ ହୋଇଥିଲା ପ୍ରଶ୍ନକାଳ । ଆଜି ପ୍ରଶ୍ନକାଳ ସମୟରେ ଗୃହରେ ଭିନ୍ନ ସ୍ଥିତି ଦେଖିବାକୁ ମିଳିଛି । ବାଚସ୍ପତିଙ୍କୁ ‘ଅପା’ ବୋଲି ସମ୍ବୋଧନ କରିଛନ୍ତି କୃଷିମନ୍ତ୍ରୀ । ରଣେନ୍ଦ୍ର ପ୍ରତାପ ସ୍ୱାଇଁ ନୂତନ ବାଚସ୍ପତିକୁ ‘ଅପା’ ବୋଲି ସମ୍ବୋଧନ କରିବା ପରେ ବିରୋଧୀ ଦଳ ନେତା ଆପତି ଉଠାଇଥିଲେ । ବିରୋଧୀ ଦଳ ମୁଖ୍ୟ ସଚେତକ ମୋହନ ମାଝୀ ଏବଂ କଂଗ୍ରେସ ବିଧାୟକ ସୁରେଶ ରାଉତରାୟ ଓ ତାରା ବାହୀନିପତି ନିଜ ନିଜ ସ୍ଥାନରୁ ବସି ଆପତି ଉଠାଇଥିଲେ ।
ପରେ ରଣେନ୍ଦ୍ର ପ୍ରତାପ ସ୍ୱାଇଁ ହାତଯୋଡ଼ି କହିଥିଲେ, ସବୁବେଳେ ‘ଅପା’ ବୋଲି ଡାକନ୍ତି ତେଣୁ ପାଟିରୁ ‘ଅପା’ ଶବ୍ଦ ବାହାରିଗଲା । ଯଦି ଆପଣମାନେ କହୁଛନ୍ତି ତେବେ ଅନରେବଲ ସ୍ପିକର ମ୍ୟାଡମ ଯଥା ‘ଅପା’ ବୋଲି କହି ପୁଣି ଥରେ ସମ୍ବୋଧନ କରିଥିଲେ କୃଷିମନ୍ତ୍ରୀ ।
