ଅନଲାଇନ ଫୁଡରେ ଲାଗିବ ଜିଏସଟି, ବଢ଼ିବ ଦାମ !
ନୂଆଦିଲ୍ଲୀ(ବଡ଼ ଖବର ବ୍ୟୁରୋ): ଅନଲାଇନରେ ଖାଦ୍ୟ ମଗାଇବା ହେବ ମହଙ୍ଗା । ଜିଏସଟି କାଉନସିଲ କମିଟିର ବୈଠକରେ ଏନେଇ ଆଲୋଚନା ହେବ । ଅନଲାଇନ ଫୁଡ ଡେଲିଭରି ଆପ ଗୁଡ଼ିକୁ ୫% ଜିଏସଟି ଅନ୍ତର୍ଭୁକ୍ତ କରିବାକୁ ଏହି ବୈଠକରେ ନିଷ୍ପତ୍ତି ନେିପାରେ ଜିଏସଟି କାଉନସିଲ କମିଟି । ସୂଚନାମୁତାବକ ଜିଏସଟି କାଉନସିଲ ବୈଠକ ଶୁକ୍ରବାର ଅନୁଷ୍ଠିତ ହେବ ।
ଏଥିରେ ନିର୍ମଳା ସୀତାରମଣ ଅଧ୍ୟକ୍ଷତା କରିବେ । ସବୁ ରାଜ୍ୟର ଅର୍ଥମନ୍ତ୍ରୀ ମାନଙ୍କୁ ମଧ୍ୟ ଏଥିରେ ଯୋଗ ଦେବାକୁ କୁହାଯାଇଛି । ବର୍ତ୍ତମାନର ଆର୍ଥିକ ସ୍ଥିତି ଅନୁଯାୟୀ ଟ୍ୟାକ୍ସ ଆକାରରେ ସରକାରଙ୍କୁ ବାର୍ଷିକ ୨ହଜାର କୋଟି ଟଙ୍କାର କ୍ଷତି ସହିବାକୁ ପଡ଼ୁଛି । ତେଣୁ ଏହା ଉପରେ ବିଚାର କରାଯିବା ସହ କରୋନା କାଳରେ ବଢ଼ିଥିବା ପେଟ୍ରୋଲ, ଡିଜେଲ ଭଳି ଅତ୍ୟାବଶ୍ୟକ ସାମଗ୍ରୀର ଦରଦାମକୁ ନେଇ ମଧ୍ୟ ଆଲୋଚନା କରାଯିବ ।
