ଉତ୍ତରପ୍ରଦେଶରେ ବାଦଲଫଟା ବର୍ଷା

ଉତ୍ତରପ୍ରଦେଶ(ବଡ଼ ଖବର ବ୍ୟୁରୋ): ବାଦଲଫଟା ବର୍ଷା ହେବାରୁ ଉତ୍ତରପ୍ରଦେଶରେ ପ୍ରବାହିତ ଅନେକ ନଦୀରେ ଆସିଛି ପ୍ରବଳ ବନ୍ୟା । ଗୁରୁବାର ରାତିରେ କୁସିନଗର ଜିଲ୍ଲାରେ ୧୦୦ରୁ ୧୫୦ ଲୋକ ଡଙ୍ଗାରେ ନଦୀପାର ହେଉଥିଲେ । ମଝିନଦୀରେ ଡଙ୍ଗର ଇଞ୍ଜିନ୍ ଫେଲ ହୋଇଯାଇଥିଲା । ଏ ସମ୍ପର୍କରେ ଖବର ପାଇଥିଲା ଏନ୍ଡିଆରଏପ୍ । ଏନ୍ଡିଆରଏଫର ଏକ ଟିମ୍ ତୁରନ୍ତ ଘଟଣାସ୍ଥଳରେ ପହଞ୍ଚି ଫସିରହିଥିବା ଲୋକମାନଙ୍କୁ ଉଦ୍ଧାର କରିଛି । ଏନଡିଆରଏଫ ପକ୍ଷରୁ କୁହାଯାଇଛି ରାତି ୧୧ଟାରେ ଖବର ମିଳିଥିଲା ।

ତୁରନ୍ତ ଉଦ୍ଧାରକାର୍ୟ୍ୟ ଆରମ୍ଭ ହୋଇଥିଲା । ପ୍ରଥମେ ୩୦ରୁ ୪୦ ଲୋକଙ୍କୁ ଦେଶୀ ଡଙ୍ଗାରେ ଉଦ୍ଧାର କରାଯାଇଥିବା ବେଳେ ଅନ୍ୟମାନଙ୍କୁ ଯନ୍ତ୍ରଚାଳିତ ଡଙ୍ଗାରେ ଉଦ୍ଧାର କରାଯାଇଥିଲା । ଏହି ଘଟଣାରେ କାହାରି ମୃତ୍ୟୁ ହୋଇନଥିବା ଏନ୍ଡିଆରଏଫ ସ୍ପଷ୍ଟ କରିଛି ।