ପାଟନା (ବଡ଼ ଖବର ବ୍ୟୁରୋ): ବିହାର ବିଧାନସଭା ବାହାରେ ହାଇ ଡ୍ରାମା । ମିଠା ବଣ୍ଟାଗଲା, ପୋଷାକ ଚିରାଚିରି ହେଲେ । ମୁହାଁମୁହିଁ ହେଲେ ବିଜେପି-ଆରଜେଡି । ଜମି ଦୁର୍ନୀତି ମାମଲାରେ ଜାମିନ ମିଳିବା ଖୂସିରେ ଆରଜେଡି ବିଧାୟକମାନେ ବିଧାନସଭା ବାହାରେ ମିଠା ବାଣ୍ଟିଥିଲେ । ମିଠା ବାଣ୍ଟିବା ବେଳେ ଧାରଣାରେ ବସିଥିବା ବିଜେପି ବିଧାୟକଙ୍କ ସହ ଧସ୍ତାଧସ୍ତି ପରିସ୍ଥିତି ଉପୁଜିଥିଲା । ଏଥିରେ ବିଜେପି ବିଧାୟକ ଅରୁଣ ସିହ୍ନାଙ୍କ କୁର୍ତ୍ତା ମଧ୍ୟ ଚିରିଯାଇଥିଲା।
ମାଇକ ଭାଙ୍ଗିବା ଅଭିଯୋଗରେ ବିଜେପି ବିଧାୟକମାନେ ବିଧାନସଭା ବାହାରେ ଧାରଣାରେ ବସିଥିଲେ। ଏହି ସମୟରେ ଆରଜେଡି ବିଧାୟକ ଲାଲୁ ଯାଦବ ଜାମିନ ପାଇବା ପରେ ମିଠା ବାଣ୍ଟିବାକୁ ବାହାରିଥିଲେ। ଦୁଇପକ୍ଷଙ୍କ ମଧ୍ୟରେ ଆରୋପପ୍ରତ୍ୟାରୋପରୁ ମାମଲା ଧସ୍ତାଧସ୍ତି ଆରମ୍ଭ ହୋଇଥିଲା। ବିଜେପି ବିଧାୟକମାନେ ଅଭିଯୋଗ କରିଛନ୍ତି ଆରଜେଡି ବିଧାୟକମାନେ ଧାରଣାରେ ବସିଥିବା ବିଧାୟକଙ୍କ ଉପରକୁ ଲଡୁ ଫିଙ୍ଗିଥିଲେ।
