୨୦୦ଏମପିଙ୍କୁ ଅଟକାଇବାକୁ ୨୦୦୦ପୋଲିସ ମୁତୟନ

ନୂଆଦିଲ୍ଲୀ(ବଡ଼ ଖବର ବ୍ୟୁରୋ): ଆଦାନୀ ପ୍ରସଙ୍ଗରେ ଇଡି କାର୍ଯ୍ୟାଳୟକୁ ବିରୋଧୀଙ୍କ ପଦଯାତ୍ରା । ୧୭ ବିରୋଧୀ ଦଳର ସାଂସଦ ସଂସଦ ଗୃହରୁ ଇଡି କାର୍ଯ୍ୟାଳୟକୁ ପଦଯାତ୍ରା କରିଥିଲେ । କିନ୍ତୁ ଦିଲ୍ଲୀ ପୋଲିସ ୧୪୪ ଧାରା ଜାରି କରି ସେମାନଙ୍କୁ ବିଜୟ ଛକଠାରେ ଅଟକାଇ ଦେଇଥିଲା। ଯାହାଦ୍ୱାରା ନାରାବାଜି କରିଥିଲେ । ସାଂସଦମାନେ କ୍ରୋଧିତ ହୋଇ ସେଠାରେ ହିଁ ସ୍ଲୋଗାନ ଦେବା ଆରମ୍ଭ କରିଦେଇଥିଲେ।

ଏହାକୁ ନେଇ ମଲ୍ଲିକାର୍ଜୁନ ଖଡଗେ କହିଛନ୍ତି, ୨୦୦ଏମପିଙ୍କୁ ଅଟକାଇବା ପାଇଁ ୨୦୦୦ପୋଲିସ ମୁତୟନ କରାଯାଇଛି। ଏହାପରେ ଏମପିମାନେ ସଂସଦକୁ ଫେରିଯାଇଥିଲେ। ବୁଧବାର ମଲ୍ଲିକାର୍ଜୁନ ଖଡଗେ ସମସ୍ତ ଏମପିଙ୍କ ସହ ଏକ ସ୍ମାରକପତ୍ର ଦାଖଲ କରିବାକୁ ଇଡି କାର୍ଯ୍ୟାଳୟକୁ ଯିବାକୁ ଚାହୁଁଥିଲେ। କିନ୍ତୁ ପୋଲିସ ସେମାନଙ୍କୁ ଆଗକୁ ଯିବାକୁ ଅନୁମତି ଦେଉନାହିଁ ଏବଂ ସରକାର ସେମାନଙ୍କୁ କହିବାକୁ ଅନୁମତି ଦେଉନାହାଁନ୍ତି ବୋଲି ଖଡଗେ କହିଛନ୍ତି।