ଶିବସେନା କର୍ମୀଙ୍କ ଗୁଣ୍ଡାରାଜ

ମୁମ୍ବାଇ(ବଡ଼ ଖବର ବ୍ୟୁରୋ): ଲଖିମପୁର ଖେରୀ ହିଂସା ବିରୋଧରେ ଗତକାଲି ମହାରାଷ୍ଟ୍ର ବନ୍ଦ ରହିଥିଲା । ଏହି ସମୟରେ ଶିବସେନା କର୍ମୀ ମାରପିଟ କରିଥିବାର କଥା ସାମ୍ନାକୁ ଆସିଛି । ତେବେ ଶିବସେନା କର୍ମାଚାରୀମାନେ ବାଡ଼ି ସାହାଯ୍ୟରେ ରାସ୍ତାରେ ଯାଉଥିବା ପ୍ରତ୍ୟେକ ଅଟୋରିକ୍ସା ଡ୍ରାଇଭରଙ୍କୁ ଆକ୍ରମଣ କରିଥିଲେ । ଅନ୍ୟପଟେ ଯେଉଁ ଲୋକମାନେ ଏହି ବନ୍ଦକୁ ସମର୍ଥନ କରୁନଥିଲେ ତାଙ୍କୁ ମଧ୍ୟ ଶିବସେନାର କର୍ମୀମାନେ ଆକ୍ରମଣ କରୁଥିବାର ଦେଖିବାକୁ ମିଳିଛି ।

କେବଳ ଏତିକି ନୁହେଁ ବରଂ ମହାରାଷ୍ଟ୍ର ସରକାର ଦୋକାନ ବନ୍ଦ କରିବା ପାଇଁ ପୁଲିସର ସହାୟତା ମଧ୍ୟ ନେଇଥିଲେ । ଏପରିକି ଶିବସେନା କର୍ମଚାରୀମାନେ ଏକ ଦୋକାନରେ ପ୍ରବେଶ କରି ଦୋକନୀଙ୍କୁ ଧମକ ଦେଇ ଦୋକାନ ବନ୍ଦ କରିବାକୁ କହିଥିଲେ, ଯାହାର ଭିଡିଓ ବର୍ତ୍ତମାନ ସୋସିଆଲ ମିଡିଆରେ ଖୁବ ଭାଇରାଲ ହେବାରେ ଲାଗିଛି ।