ସ୍ତ୍ରୀକୁ ହତ୍ୟା କଲା ସ୍ୱାମୀ

ରେଙ୍ଗାଲି(ବଡ଼ ଖବର ବ୍ୟୁରୋ): ସ୍ତ୍ରୀକୁ ନିର୍ମମଭାବେ ହତ୍ୟାକଲା ସ୍ୱାମୀ । ସମ୍ବଲପୁର ଜିଲ୍ଳା ରେଙ୍ଗାଲୀ ଥାନା ଲଛମନ ପଡ଼ା ପାଖରେ ଥିବା ଡୁଙ୍ଗୁରୀପଡ଼ାରେ ମଙ୍ଗଳବାର ବିଳମ୍ବିତ ରାତିରେ ଜଣେ ସ୍ୱାମୀ ନିଜ ସ୍ତ୍ରୀକୁ ହତ୍ୟା କରିଛି । ଅଭିଯୋଗ ଅନୁସାରେ ହୁଙ୍ଗୁରିପଡ଼ାର ଧନମଣୀ ଖଡ଼ିଆ ନିଜ ସ୍ତ୍ରୀ ବିଲାସିନି ଖଡ଼ିଆଙ୍କ ସହ କୌଣସି କାରଣକୁ ନେଇ ବିଳମ୍ବିତ ରାତିରେ ଦୁହିଁଙ୍କ ମଧ୍ୟରେ ଝଗଡ଼ା ହୋଇଥିଲା । ଫଳରେ ସ୍ୱାମୀ ଉତ୍ୟକ୍ତ ହୋଇ ସ୍ତ୍ରୀକୁ ବାରେସିରେ ମୁଣ୍ଡପଛ ପଟେ ଆକ୍ରମଣ କରିଥିଲେ । ଫଳରେ ମୁଣ୍ଡ ପଛପଟେ ଗଭୀର ଆଘାତ ହୋଇ ଘଟଣାସ୍ଥଳରେ ତାଙ୍କର ମୃତ୍ୟୁ ଘଟିଥିଲା । ଖବର ପାଇ ପୋଲିସ ଘଟଣାସ୍ଥଳରେ ପହଚିଂ ସାଇଂଟିଫିକ୍ ଟିମ୍ ସହ ତଦନ୍ତ ଆରମ୍ଭ କରିଛି । ଘଟଣାସ୍ଥଳରୁ ସାଇଂଟିଫିକ୍ ଟିମ୍ ରକ୍ତଭିଜା କପଡ଼ା, ରକ୍ତଭିଜା ମାଟି ଏବଂ ହତ୍ୟାରେ ବ୍ୟବହୃତ ବାରେସି ଆଦି ଜବତ କରିଛି । ସେପଟେ ହତ୍ୟାକାରୀ ସ୍ୱାମୀ ୨ ଶିଶୁକୁ ନେଇ କୁଆଡ଼େ ଫେରାର ହୋଇଯାଇଥିବା ଜଣାପଡ଼ିଛି । ପୋଲିସ ଅଭିଯୁକ୍ତକୁ ଧରିବା ପାଇଁ ବିଭିନ୍ନ ସ୍ଥାନରେ ଚଢ଼ାଉ ଯାରି ରଖିଛି । ଏ ନେଇ ରେଙ୍ଗାଲି ଥାନା କେଶ ନଂ ୨୩୨ ରେ ମାମଲା ରୁଜୁ କରାଯାଇ ତଦନ୍ତ ଚାଲୁରହିଛି ।