‘ମୁଁ ରିପ୍‌ଡ ଜିନ୍ସ ଗର୍ବର ସହ ପିନ୍ଧିବି’

ମୁମ୍ବାଇ (ବଡ଼ ଖବର ବ୍ୟୁରୋ): ମହିଳାମାନଙ୍କ ପୋଷାକକୁ ନେଇ ଉତ୍ତରାଖଣ୍ଡ ମୁଖ୍ୟମନ୍ତ୍ରୀ ତିରଥ ସିଂହ ରାୱତ ଟିପ୍ପଣୀ ଦେଇଥିଲେ । ମହିଳାମାନେ ଚିରା ଓ ଫଟା ଜିନ୍ସ ପିନ୍ଧି ସମାଜକୁ କି ମେସେଜ ଦେବାକୁ ଚାହୁଛନ୍ତି ବୋଲି ସେ ପ୍ରଶ୍ନ କରିଥିଲେ । ତାଙ୍କ ପ୍ରଶ୍ନର ଉତ୍ତର ଦେଇଛନ୍ତି ବିଗ ବି ଅମିତାଭ ବଚ୍ଚନଙ୍କ ନାତୁଣୀ ନଭ୍ୟା ନଭେଲି ନନ୍ଦା ।

ଏହା ଉପରେ ପ୍ରତିକ୍ରିୟା ପ୍ରକାଶ କରି ପ୍ରଥମେ ନିଜର ମାନସିକତାକୁ ବଦଳାଇବା ଦରକାର ବୋଲି ନଭ୍ୟା କହିଛନ୍ତି। ସେ ଇନଷ୍ଟାଗ୍ରାମ ଷ୍ଟୋରୀରେ କହିଛନ୍ତି, “ଆମ ପୋଷାକ ବଦଳାଇବା ପୂର୍ବରୁ ପ୍ରଥମେ ନିଜର ମାନସିକତାରେ ପରବର୍ତ୍ତନ କରନ୍ତୁ। କାରଣ ଏଠାରେ ସାମଜକୁ ଯେଉଁଭଳି ବାର୍ତ୍ତା ଦିଆଯାଉଛି, ତାଦହା ସବୁଠାରୁ ଆଶ୍ଚର୍ଯ୍ୟ କରିବା ଭଳି ଘଟଣା । ସେ ନିଜେ ଆଣ୍ଠୁ ପାଖରୁ ଚିରି ଯାଇଥିବା ଜିନ୍ସ ପିନ୍ଧି ଗୋଟିଏ ଫଟୋ ମଧ୍ୟ ଶେଆର କରିଛନ୍ତି। ଏଥିରେ ସେ ଲେଖିଛନ୍ତି, “ମୁଁ ମୋର ରିପ୍‌ଡ ଜିନ୍ସ ପିନ୍ଧିବି। ଧନ୍ୟବାଦ। ମୁଁ ଏହାକୁ ଗର୍ବର ସହ ପରିଧାନ କରିବି।