ନବୀନ ନିବାସରେ ଫାଇନାଲ ଫାଇଟ

ଭୁବନେଶ୍ୱର(ବଡ଼ ଖବର ବ୍ୟୁରୋ): ବିଧାନସଭାର ବଜେଟ ଅଧିବେଶନ ୬ଦିନ ହେବ ବନ୍ଦ ରହିଛି । ଚାଷୀଙ୍କ ଧାନକିଣା ପ୍ରସଙ୍ଗରେ ଦେବଗଡ଼ ବିଧାୟକ ସୁବାସ ପାଣିଗ୍ରାହୀ ଗୃହରେ ବିଷପିଇ ଆତ୍ମହତ୍ୟା ଉଦ୍ୟମକୁ ନେଇ ବିଜେଡି ଗଣ୍ଠି କରିଛି । ବିଧାୟକ କ୍ଷମା ନମାଗିବା ପର୍ଯ୍ୟନ୍ତ ଗୃହ ଚଳାଇଦେବେ ନାହିଁ ବୋଲି ବିଜେଡି ଜିଦ ଧରିଛି । ଗତ ୧୨ତାରିଖରୁ ଗୃହ ଅଚଳ ହୋଇପଡିଛି । ବିଜେପି ମଧ୍ୟ ନିଜ ଜିଦରେ ଅଟଳ ରହିଛି ।

ସରକାର ଦେଇଥିବା ପ୍ରତିଶ୍ରୁତି ରକ୍ଷା କରିନଥିବାରୁ ମୁଖ୍ୟମନ୍ତ୍ରୀ କ୍ଷମା ମାଗନ୍ତୁ ବୋଲି ଦଳ ଅଡିବସିଛି । ଗୃହର ନେତା ତଥା ମୁଖ୍ୟମନ୍ତ୍ରୀଙ୍କୁ ଭେଟିବା ପାଇଁ ଦୁଇ ଦଳର ସଦସ୍ୟମାନେ ଏବେ ନବୀନ ନିବାସ ମୁହାଁ ହୋଇଛନ୍ତି । ବିଜେପି ବିଧାୟକମାନେ ନବୀନ ନିବାସ ଯାଇ ମୁଖ୍ୟମନ୍ତ୍ରୀ ତଥା ଗୃହର ନେତାଙ୍କୁ ସାକ୍ଷାତ କରିବା ସହ ସମସ୍ୟା ସମ୍ପର୍କରେ ଅବଗତ କରାଇବେ । ତେଣେ ବିଜେଡି ସଦସ୍ୟମାନେ ମଧ୍ୟ ନବୀନ ନିବାସ ମୁହାଁ ହୋଇଛନ୍ତି ।

ବିଜେଡି ବିଧାୟକ ପ୍ରଣବ ପ୍ରକାଶ ଦାସ କହିଛନ୍ତି ବିଜେପି ବିଧାୟକମାନେ ମୁଖ୍ୟମନ୍ତ୍ରୀଙ୍କୁ ଭେଟିବାରେ କିଛି ଆପତ୍ତି ନାହିଁ । ଆମେ ବି ସାଙ୍ଗରେ ଯାଉଛୁ,ସବୁ କଥା ସେଇଠି ଜଣେଇବୁ । ଦେବଗଡ଼ ବିଧାୟକ କ୍ଷମା ମାଗିନ୍ତୁ ବୋଲି କହିବୁ ବୋଲି ସେ କହିଛନ୍ତି ।