ଫାଇନାଲରେ ଶ୍ରେୟାସଙ୍କ ଭୂମିକା ଗୁରୁତ୍ୱପୂର୍ଣ୍ଣ: ଗୌତମ ଗମ୍ଭୀର

ମୁମ୍ବାଇ(ବଡ଼ ଖବର ବ୍ୟୁରୋ): କାଲି ହେବ ମହାଲଢେଇ । ନରେନ୍ଦ୍ର ମୋଦି ଷ୍ଟାଡିୟମରେ ମୁହାଁମୁହିଁ ହେବେ ଭାରତ-ଅଷ୍ଟ୍ରେଲିଆ । ଦୀର୍ଘ ୨୦ ବର୍ଷରେ ପରେ ପୁଣି ଫାଇନାଲରେ ମୁହାଁମୁହିଁ ହେବାକୁ ଯାଉଛନ୍ତି । ଏହି ମ୍ୟାଚରେ ଗୁରୁତ୍ୱପୂର୍ଣ୍ଣ ଭୂମିକା ଗ୍ରହଣ କରିବେ ଶ୍ରେୟାସ ଆୟର । ମିଡିଲ ଅର୍ଡର ବ୍ୟାଟ୍ସମ୍ୟାନ ଭାବେ ଶ୍ରେୟସଙ୍କ ଭୂମିକା ବେଶ ଗୁରୁତ୍ୱପୂର୍ଣ୍ଣ ରହିବା ବୋଲି କହିଛନ୍ତି ପୂର୍ବତନ କ୍ରିକେଟର ଗୌତମ ଗମ୍ଭୀର । ଗମ୍ଭୀର କହିଥିଲେ ବିଶ୍ୱକପରେ ଶ୍ରେୟାସ ଭାରତୀୟ ଦଳ ପାଇଁ ଗୁରୁତ୍ୱପୂର୍ଣ୍ଣ ଭୂମିକା ଗ୍ରହଣ କରି ଆସିଛନ୍ତି ।

ଫାଇନାଲରେ ମଧ୍ୟ ତାଙ୍କ ଭୂମିକା ଗୁରୁତ୍ୱପୂର୍ଣ୍ଣ ରହିବ । ବିଶେଷ କରି ଅଷ୍ଟ୍ରେଲିଆ ପକ୍ଷରୁ ମ୍ୟାକ୍ସୱେଲ ଓ ଆଦାମ ଜାମ୍ପା ସ୍ପିନ ବୋଲିଂ କରିବା ସମୟରେ ଶ୍ରେୟାସଙ୍କ ଭୂମିକା ଦଳର ବିଜୟରେ ନିର୍ଣ୍ଣାୟକ ହୋଇପାରେ । ଚଳିତ ବିଶ୍ୱକପରେ ଶ୍ରେୟାସ ବର୍ତ୍ତମାନ ସୁଦ୍ଧା ୫୨୬ ରନ କରି ସାରିଛନ୍ତି । ସେଥିରୁ ୨ଟି ଶତକ ଓ ୩ଟି ଅର୍ଦ୍ଧଶତକ । ସେମିଫାଇନାଲ ଶ୍ରେୟାସ ୭୦ ବଲରେ ୧୦୫ରନ କରିଥିଲେ । ଏପରି ସ୍ଥିତିରେ ଶ୍ରେୟାସଙ୍କ ଉପରେ ଭାରତୀୟ ଦଳର ମଧ୍ୟଭାଗ ବ୍ୟାଟିଂ ବହୁମାତ୍ରାରେ ନିର୍ଭରଶୀଳ ବୋଲି ଗମ୍ଭୀର କହିଥିଲେ ।