କରଞ୍ଜିଆ (ବଡ଼ ଖବର ବ୍ୟୁରୋ): ଶୁଣୁନି ପ୍ରଶାସନ, କରଞ୍ଜିଆରେ ପୁଣି ହାତୀ ବିତ୍ପାତ । ହାତୀପଲ ଗାଁ ଭିତରେ ପଶି ଜଣେ ବୃଦ୍ଧଙ୍କୁ କୂଅକୁ ଠେଲି ଦେଇଥିବା ଜଣାପଡିଛି । କରଞ୍ଜିଆ ରେଞ୍ଜ କିଆ ଗାଁରେ ଘଟିଛି ଏହି ଅଘଟଣ । ଦୁର୍ବାସ ମହାନ୍ତ ନାମକ ଜଣେ ବୃଦ୍ଧ ଆଜି ସନ୍ଧ୍ୟାରେ ଘର ବାହାରେ ବୁଲୁଥିବା ସମୟରେ ହଠାତ ହାତୀ ହାବୁଡରେ ପଡିଯାଇଥିଲେ । ଛତିଶଗଡି ହାତୀପଲ ଦୁର୍ବାସଙ୍କୁ ପାଖରେ ଥିବା ଏକ କୂଅକୁ ଠେଲି ଦେଇଥିଲେ । ଗୁରୁତର ଅବସ୍ଥାରେ କୂଅ ଭିତରୁ ସଂଗେ ସଂଗେ ଲୋକେ ତାଙ୍କୁ ଉଦ୍ଧାର କରି ମେଡିକଲାରେ ଭର୍ତ୍ତି କରିଥିଲେ ।
ସୂଚନାଥାଉକି ହାତୀ ଉପଦ୍ରବକୁ ନେଇ ବାରବାର ଅଭିଯୋଗ ପରେ ପ୍ରଶାସନ ନଶୁଣିବାରୁ ଗତକାଲି ୫ଟି ଗାଁର ଲୋକେ ଦୁଧିଆଣି ରେଞ୍ଜ ଅଫିସ ଘେରାଉ କରିଥିଲେ । ତା’ ସହିତ ୨୨୦ ନମ୍ବର ଜାତୀୟ ରାଜପଥ ଅବରୋଧ କରିଥିଲେ । କରଞ୍ଜିଆ ବିଧାୟିକା ସେହି ରାସ୍ତା ଦେଇ ବାରିପଦା ଯାଉଥିଲେ । ସ୍ଥାନୀୟ ଲୋକମାନେ ତାଙ୍କୁ ଅଟକାଇ ୭କିମି ଚଲାଇ ଚଲାଇ ନେଇ କ୍ଷତିଗ୍ରସ୍ତ ଘର, ପରିବା ଚାଷ, ଉଜୁଡ଼ା ଫସଲ ବୁଲାଇ ଦେଖାଇଥିଲେ ।
