ଶ୍ରୀମନ୍ଦିରରେ ରେକର୍ଡ ସଂଖ୍ୟକ ଦାନ

ପୁରୀ(ବଡ଼ ଖବର ବ୍ୟୁରୋ): ଭକ୍ତ ଓ ଭଗବାନଙ୍କ ମଧ୍ୟରେ ଥିବା କୋଭିଡର ଦୁର୍ଗ ଭାଙ୍ଗିଛି । ଆଉ ଦରକାର ପଡୁନି କୋଭିଡ ରିପୋର୍ଟ । ସୁରୁଖୁରୁରେ ମହାପ୍ରଭୁଙ୍କ ଦର୍ଶନ କରିପାରୁଛନ୍ତି ଭକ୍ତମାନେ । ଆଜି ପ୍ରାୟ ୫୦ ହଜାରରୁ ଅଧିକ ଭକ୍ତ ମହାପ୍ରଭୁଙ୍କ ଦର୍ଶନ କରିଛନ୍ତି । ଅନ୍ୟ ପକ୍ଷରେ ଶାମ୍ବ ଦଶମୀ ଭଳି ପର୍ବ ଭକ୍ତଙ୍କ ସଂଖ୍ୟାବି ବଢ଼ାଇଛି।

ଭକ୍ତମାନେ ମହାପ୍ରଭୁଙ୍କ ଦର୍ଶନ କରିବା ସହିତ ଶ୍ରୀମନ୍ଦିରର ଜଗମୋହନ ପାଖରେ ଥିବା ହୁଣ୍ଡିରେ ଅଜାଡି ଦେଇଛନ୍ତି ଧନ । ଆଜି ଗୋଟିଏ ଦିନରେ ପାଖାପାଖି ୯ ଲକ୍ଷ ୨୯ ହଜାର ୧୪୨ ଟଙ୍କା ଦାନ ଆକାରରେ ମିଳିଥିବାବେଳେ ୧ ଗ୍ରାମ ୩୦ ମିଲିଗ୍ରାମ ସୁନା ଓ ୮୬ ଗ୍ରାମ ୨୦୦ ମିଲିଗ୍ରାମ ଓଜନର ରୂପା, ଭକ୍ତ ଦାନ ହୁଣ୍ଡିରେ ପକାଇଛନ୍ତି।