ଘଟଣା ଘଟାଇ ଚମ୍ପଟ ମାରିଲା ଅଭିଯୁକ୍ତ
ବଙ୍ଗୋମୁଣ୍ଡା (ବଡ଼ ଖବର ବ୍ୟୁରୋ): ବଲାଙ୍ଗିର ଜିଲ୍ଲା ବଙ୍ଗୋମୁଣ୍ଡା ଥାନାର ଗୋହିରାପଦ ଗ୍ରାମରେ ଘଟିଛି ଏକ ଅଭାବନୀୟ ଘଟଣା । ବଙ୍ଗୋମୁଣ୍ଡା ଯୁକ୍ତଦୁଇ କଲେଜର ଲାଇବ୍ରେରିଆନ୍ ଡୋଲାମଣୀ ମେହେର ତାଙ୍କ ଗାଁର ବୁଡୁ ବନଛୋରଙ୍କ ନାବାଳିକାକୁ ଅପହରଣ କରି ନେଇଯାଉଥିଲେ । ସେହି ସମୟରେ ଲୋକମାନେ ପ୍ରତିବାଦ କରିବାରୁ ଖସି ପଳାଇଥିଲେ ।
ଝିଅକୁ ସ୍ଥାନୀୟ ଲୋକେ ଉଦ୍ଧାର କରି ପରିବାର ଲୋକଙ୍କୁ ଖବର ଦେଇଥିଲେ। ଗୁରୁତର ଅବସ୍ଥାରେ ପ୍ରାଥମିକ ଚିକିତ୍ସା କରାଯାଇଥିଲା। ନାବାଳିକାର ଡାହାଣ ଗୋଡ ଭାଙ୍ଗି ଯାଇଛି । ପରିବାର ଲୋକେ ଡୋଲାମଣୀଙ୍କ ନାଁରେ ବଙ୍ଗୋମୁଣ୍ଡା ଥାନାରେ ଅଭିଯୋଗ କରିଛନ୍ତି । ଦୋଷୀ ବିରୁଦ୍ଧରେ ଉଚିତ କାର୍ଯ୍ୟାନୁଷ୍ଠାନ ଗ୍ରହଣ କରିବା ପାଇଁ ପରିବାର ଲୋକେ ଦାବି କରିଛନ୍ତି। ଘଟଣା ଘଟାଇ ଫେରାର ମାରିଛି ଅଭିଯୁକ୍ତ। ୭ ବର୍ଷ ନାବାଳିକାର ଅବସ୍ଥା ଗୁରୁତର ହେବାରୁ ଟିଟିଲାଗଡ଼ ଡାକ୍ତରଖାନାକୁ ସ୍ଥାନାନ୍ତରିତ କରାଯାଇଛି । ଏ ଘଟଣା ସଂପର୍କରେ ବଙ୍ଗୋମୁଣ୍ଡା ପୋଲିସର କୌଣସି ପ୍ରତିକ୍ରିୟା ମିଳିପାରିନାହିଁ ।