ପରଭାଣୀ ହନୁମାନ ମନ୍ଦିରରେ ଅଘଟଣ

ଭୁବନେଶ୍ୱର(ବଡ଼ ଖବର ବ୍ୟୁରୋ): ପରଭାଣୀ ହନୁମାନ ମନ୍ଦିରରେ ଅଘଟଣ । ମହାରାଷ୍ଟ୍ରର ପରଭଣୀ ଜିଲ୍ଲାରେ ଅବସ୍ଥିତ ଯଶୱାଡୀ ମାରୁତି ମନ୍ଦିରରେ ଏକ ବଡ ଦୁର୍ଘଟଣା ଘଟିଛି । ମନ୍ଦିର ସମ୍ମୁଖରେ ନିର୍ମିତ ସଭା ମଣ୍ଡପଟି ହଠାତ୍ ଭୁଶୁଡି ପଡିଥିଲା । ମନ୍ଦିର ଛାତ ଭୁଶୁଡି ୭ ମୃତ ବୋଲି ଜଣା ପଡିଛି । ଏହି ଧ୍ୱଂସାବେଶଷ ତଳେ ୩୦ରୁ୪୦ଜଣ ଲୋକ ଫସି ରହିଛନ୍ତି । ୭ଜଣଙ୍କର ମୃତ ହୋଇଥିବା ବେଳେ,୧୦ରୁ ଅଧିକ ଶ୍ରଦ୍ଧାଳୁ ଆହାତ ଅଛନ୍ତି । ଘଟଣା ସମ୍ପର୍କରେ ସୂଚନା ମିଳିବା ମାତ୍ରେ ଜିଲ୍ଲା ପ୍ରଶାସନ , ପୋଲିସ ଓ ଉଦ୍ଧାରକାରୀ ଦଳ ଘଟଣାସ୍ଥଳରେ ପହଞ୍ଚିଥିଲେ । ଫସି ରହିଥିବା ଲୋକଙ୍କୁ ବାହାର କରିବା ପାଇଁ ନିରନ୍ତର ପ୍ରୟାସ ଚାଲିଛି । ଆହାତ ମାନଙ୍କୁ ତୁରନ୍ତ ହସ୍ପିଟାଲକୁ ପଠାଇବା ପାଇଁ ଆମ୍ବୁଲାନ୍ସର ବ୍ୟବସ୍ଥା ମଧ୍ୟ କରାଯାଇଛି । ପ୍ରଶାସନ ସମ୍ପୂର୍ଣ୍ଣ ଅଞ୍ଚଳକୁ ଘେରାବନ୍ଦୀ କରି ଉଦ୍ଧାର କାର୍ଯ୍ୟକୁ ତ୍ୱରାନ୍ୱିତ କରିଛି । ଆହୁରି କିଛି ଶ୍ରଦ୍ଧାଳୁ ଚାପିହୋଇ ରହିଥିବା ସୂଚନା ମିଳିଛି ।