ଆମେରିକା-କାନଡା ସୀମାରୁ ଭାରତୀୟଙ୍କ ଶବ ଉଦ୍ଧାର
ନୂଆଦିଲ୍ଲୀ (ବଡ଼ ଖବର ବ୍ୟୁରୋ): ଆମେରିକା-କାନଡା ସୀମାନ୍ତରୁ ୮ ଶବ ଉଦ୍ଧାର । ମୃତକଙ୍କ ମଧ୍ୟରେ ଅଛନ୍ତି ୨ ଶିଶୁ । କାନାଡା ପୋଲିସ ଶବକୁ ଜବତ କରିଛି । କାନାଡାରୁ ଆମେରିକାକୁ ଏମାନେ ବେଆଇନ ଭାବେ ପ୍ରବେଶ କରୁଥିଲେ ବୋଲି ସୂଚନା ମିଳିଛି । ମୃତକଙ୍କ ମଧ୍ୟରେ ଏକ ଭାରତୀୟ ଓ ଏକ ରୋମାନ ପରିବାର ଅଛନ୍ତି । ସେଣ୍ଟ ଲରେନ୍ସ ନଦୀରେ ଏକ ବୋଟରେ ସେମାନେ ଆମେରିକାରେ ପ୍ରବେଶ ଉଦ୍ୟମ କରୁଥିଲେ ବୋଲି ସୂଚନା ମିଳିଛି ।
ମୃତ୍ୟୁ ଖବର ପ୍ରକାଶ ପାଇବା ପରେ ସେଠାରେ ସର୍ଚ୍ଚ ଅପରେସନ ହୋଇଥିଲା । ଏକ ହେଲିକପ୍ଟର ସହାୟତାରେ କେତେକ ମୃତଦେହ ଉଦ୍ଧାର କରାଯାଇଥିଲା । ମୃତ୍ୟୁର କାରଣ ସ୍ପଷ୍ଟ ହୋଇନାହିଁ । ଗତବର୍ଷ ବି ଆମେରିକାରେ ପ୍ରବେଶ ବେଳେ କାନାଡାର ମାନିତୋବା ପ୍ରଜାତନ୍ତ୍ରରେ ୪ ସଦସ୍ୟ ବିଶିଷ୍ଟ ଏକ ଭାରତୀୟ ପରିବାରର ମୃତ୍ୟୁ ଘଟିଥିଲା ।
