ନୂଆଦିଲ୍ଲୀ(ବଡ଼ ଖବର ବ୍ୟୁରୋ)ଏସିଆ କପ୍ ୨୦୨୩ ରେ ନିଜର ବିଜୟ ଧାରା ଜାରି ରଖିଛି ଟିମ ଇଣ୍ଡିଆ । ସୁପର -୪ର ଶ୍ରୀଲଙ୍କା ବିପକ୍ଷ ମ୍ୟାଚକୁ ୪୧ ରନରେ ନିଜ ନାଁରେ କରି ଫାଇନାଲରେ ସ୍ଥାନ ହାସଲ କରିଛି ରୋହିତ ବାହିନୀ । ଏହି ମ୍ୟାଚରେ ଭାରତୀୟ ଦଳ ୨୧୩ ରନ୍ ସ୍କୋରରେ କରିଥିଲା।
ଏହି ଟାର୍ଗେଟକୁ ସାମ୍ନା କରିବାକୁ ଆସିଥିବା ଶ୍ରୀଲଙ୍କା ଦଳ ୪୧.୩ ଓଭରରେ ୧୭୨ ରନରେ ସମସ୍ତ ଓ୍ୱିକେଟ ହରାଇ ଦେଇଥିଲା ।ଭାରତୀୟ ଦଳ ପକ୍ଷରୁ ପୁଣି ଥରେ ବୋଲିଂରେ କୁଲଦୀପ ଯାଦବଙ୍କ ଯାଦୁ ଦେଖିବାକୁ ମିଳିଥିଲା, ଯିଏ ୪ ୱିକେଟ୍ ନେଇଥିଲେ। ରବିନ୍ଦ୍ର ଜାଡେଜା ଏବଂ ଜସପ୍ରୀତ ବୁମରା ମଧ୍ୟ ୨-୨ ୱିକେଟ୍ ନେଇଥିଲେ। ଏହି ମ୍ୟାଚ୍ରେ ପରାଜୟ ସହିତ ଶ୍ରୀଲଙ୍କାର କ୍ରମାଗତ ୧୩ ଟି ମ୍ୟାଚରେ ବିଜୟ ଧାରା ମଧ୍ୟ ଭାଙ୍ଗି ଯାଇଛି।
