ଲକ୍ଷ୍ନୌ(ବଡ଼ ଖବର ବ୍ୟୁରୋ) କୋର୍ଟ ପରିସର ଭିତରେ ଘଟିଛି ଏକ ଅଭାବନୀୟ ଘଟଣା । କୋର୍ଟ ଭିତରେ ଓକିଲଙ୍କ ଉପରକୁ ଆଖିବୁଜା ଗୁଳିମାଡ ହୋଇଛି । ତେବେ ଘଟଣାସ୍ଥଳରେ ହିଁ ଓକିଲଙ୍କ ମୃତ୍ୟୁ ହୋଇଥିବା ସୂଚନା ମିଳିଛି ।
ଉତ୍ତରପ୍ରଦେଶର ଶାହଜହାଁପୁରର ଜିଲ୍ଲା କୋର୍ଟରେ ଏଭଳି ଅଭାବନୀୟ ଘଟଣା ଘଟିଛି । ପୋଲିସର ସୂଚନା ଅନୁଯାୟୀ, ମୃତ ଓକିଲ ଜଣଙ୍କ ହେଉଛନ୍ତି ଭୂପେନ୍ଦ୍ର ସିଂହ । ସେ ଆଜି କୋର୍ଟ ଭିତରେ ଥିବା ରେକର୍ଡ ରୁମକୁ ଯାଇଥିଲେ । ହଠାତ ତାଙ୍କ ଉପରକୁ ଗୁଳିମାଡ ହୋଇଥିଲା । ପରେ ତାଙ୍କ ମୃତଦେହ ନିକଟରୁ ଏକ ବନ୍ଧୁକ ସହ ଦୁଇଟି ଗୁଳି ଜବତ ହୋଇଛି ।
ଘଟଣାସ୍ଥଳରେ ପୋଲିସ ମୃତୟନ କରାଯାଇଛି । ପୋଲିସର କହିବା ମୁତାବକ, ଓକିଲଙ୍କ ପାଖରେ କେହି ନ ଥିଲେ । ଘଟଣାସ୍ଥଳରେ ଫୋରେନସିକ୍ ଟିମ ପହଞ୍ଚି ତଦନ୍ତ କରୁଛି । ତେବେ କେଉଁ କାରଣରୁ ଓକିଲଙ୍କ ଉପରକୁ ଗୁଳିମାଡ କରାଯାଇଛି ତାହାର ଅଧିକ ତଦନ୍ତ କରୁଛି ପୋଲିସ ।
