ଟିକାର ଗୋଟିଏ ଡୋଜ ବଦଳରେ ୬ଟି ଡୋଜ ନେଲେ ମହିଳା

(ବଡ଼ ଖବର ବ୍ୟୁରୋ): ଗୋଟେ ଡୋଜ ପରିବର୍ତ୍ତେ ମହିଳାଙ୍କୁ ୬ଟି ଡୋଜ ଦେଲେ ସ୍ୱାସ୍ଥ୍ୟକର୍ମୀ । ଏପରି ଅଭାବନୀୟ ଘଟଣା ଘଟିଛି ଇଟାଲିରେ । ଯାହା ଏବେ ଚର୍ଚ୍ଚାର ବିଷୟ ପାଲଟିଛି । ଜଣେ ୨୩ ବର୍ଷ ବୟସ୍କ ମଳିହାଙ୍କୁ ଫାଇଜରର ଗୋଟିଏ ଡୋଜ ଦେବା ପରିବର୍ତ୍ତେ ୬ଟି ଡୋଜ ଦେଇ ଦେଇଛନ୍ତି ସ୍ୱାସ୍ଥ୍ୟକର୍ମୀ ।

ସ୍ୱାସ୍ଥ୍ୟକର୍ମୀ ଜଣକ ଅନ୍ୟମନସ୍କ ଥିବା କାରଣରୁ ଏପରି ହୋଇଥିବା ଜଣାପଡ଼ିଛି । ଏକଥା ଜଣା ପଡ଼ିବା ପରେ ମହିଳାଙ୍କୁ ଡାକ୍ତରଖାନାରେ ଭର୍ତ୍ତି କରାଯାଇଥିଲା । ହେଲେ ତାଙ୍କ ପାଖରେ କୌଣସି ପାଶ୍ୱର୍ ପ୍ରତିକ୍ରିୟା ନଦେଖାଯିବାରୁ ତାଙ୍କୁ ଡାକ୍ତରଖାନାରୁ ଡିସଚାର୍ଜ କରାଯାଇଛି ।