ଆଜି ଆଇପିଏଲରେ ମହାମୁକାବିଲା ; ମୁହାଁମୁହିଁ ହେବେ ଧୋନି-କୋହଲି
ଦୁବାଇ, (ବଡ଼ ଖବର ବ୍ୟୁରୋ) : ଆଜି ଆଇପିଏଲର ଦ୍ୱିତୀୟ ମ୍ୟାଚରେ ଦେଖିବାକୁ ମିଳିବ ମହାମୁକାବିଲା । ଆଇପିଏଲର ତୟୋଦଶ ସିଜିନର ୨୫ତମ ମ୍ୟାଚରେ ମହେନ୍ଦ୍ର ସିଂ ଧୋନିଙ୍କ ଚେନ୍ନାଇ ସୁପର କିଙ୍ଗ୍ସ (ସିଏସକେ) ଏବଂ ବିରାଟ କୋହଲିଙ୍କ ନେତୃତ୍ୱାଧୀନ ରୟାଲ ଚ୍ୟାଲେଞ୍ଜର୍ସ ବାଙ୍ଗାଲୋର (ଆରସିବି) ମୁହାଁମୁହିଁ ହେବେ। ଏହି ମ୍ୟାଚ୍ ଦୁବାଇରେ ସନ୍ଧ୍ୟା ୭.୩୦ରୁ ଖେଳାଯିବ ।
ଚେନ୍ନାଇ ଭଲ ପ୍ରଦର୍ଶନ କରିବାରେ ଲଗାତର ବିଫଳ ହୋଇଛି । ଚେନ୍ନାଇ ୬ଟି ମ୍ୟାଚରେ ମାତ୍ର ଦୁଇଟି ବିଜୟ ସହ ପଏଣ୍ଟେ ଟେବୁଲର ଷଷ୍ଠ ସ୍ଥାନରେ ଥିବାବେଳେ ବେଙ୍ଗାଲୋର ୫ଟି ମ୍ୟାଚରେ ୩ଟି ବିଜୟ ସହ ପଏଣ୍ଟେ ଟେବୁଲରେ ୫ମ ସ୍ଥାନରେ ରହିଛି। ଅର୍ଥାତ୍ ଉଭୟ ଦଳ ପଏଣ୍ଟେ ଟେବୁଲରେ ଟପ୍ ୪ ବାହାରେ ଅଛନ୍ତି । ଉଭୟ ଦଳ ଆଇପିଏଲ ଇତିହାସରେ ୨୪ଥର ମୁହାଁମୁହିଁ ହୋଇଥିବା ବେଳେ ଚେନ୍ନାଇ ୧୫ଥର ଜିତିଥିବା ବେଳେ ବାଙ୍ଗାଲୋର ୮ଥର ଜିତିଛି । ଉଭୟ ଦଳ ସେମାନଙ୍କର ପୂର୍ବ ମ୍ୟାଚ ପରାସ୍ତ ହୋଇଥିଲେ । ତେଣୁ ଆଜିର ମ୍ୟାଚରେ କିଛି ପରିବତ୍ତର୍୍ନ ହେବ ବୋଲି ଆଶା କରାଯାଉଛି । ଆଜି ଦୁଇ ଦଳ ମ୍ୟାଚକୁ ଜିତି ପଏଣ୍ଟେ ଟେବୁଲରେ ଉପରକୁ ଯିବା ପାଇଁ ଚେଷ୍ଟା କରିବେ ।