ନୂଆଦିଲ୍ଲୀ (ବଡ଼ ଖବର ବ୍ୟୁରୋ): ଜାରି ରହିଛି ରୁଷ-ୟୁକ୍ରେନ ଯୁଦ୍ଧ । କିଛି ଦିନ ତଳେ ରୁଷର ବୋମା ମାଡ଼ରେ ୟୁକ୍ରେନର ୨୫ ଜଣ ନାଗରିକଙ୍କ ମୃତ୍ୟୁ ହୋଇଥିଲା । ତେବେ ଏହାରି ଭିତରେ ଆସିଛି ଆଉ ଏକ ଖବର । ଯୁଦ୍ଧ ଭିତରେ ୟୁକ୍ରେନ ରାଷ୍ଟ୍ରପତି କହିଛନ୍ତି ସେ ତାଙ୍କର ଆତ୍ମରକ୍ଷା ପାଇଁ ତାଙ୍କ ପାଖରେ ସବୁବେଳେ ପିସ୍ତଲ ରଖିଥାନ୍ତି । ସେ ଆହୁରି ମଧ୍ୟ କହିଛନ୍ତି କି ଯଦି ରୁଷ ସେନା ତାଙ୍କ କାର୍ଯ୍ୟାଳୟରେ ପଶି ତାଙ୍କୁ ଆକ୍ରମଣ କରନ୍ତି ସେ ମରିଯିବେ ପଛେ କବେ ବିି ଆତ୍ମସମର୍ପଣ କରିବେ ନାହିଁ ।
ସେ ମରିବା ପର୍ଯ୍ୟନ୍ତ ମଧ୍ୟ ଲଢେଇ ଜାରି ରଖିବେ । ଜେଲେନସ୍କି ଏକ ସାକ୍ଷାତକାରରେ କହିଛନ୍ତି କିପରି ପିସ୍ତଲ ଚଳାଇବାକୁ ହୁଏ, ତାହା ସେ ଜାଣନ୍ତି। ରୁଷ୍ ସେନା ହାତରେ ଧରାପଡ଼ିବା ଅପେକ୍ଷା ଲଢ଼େଇ କରି ମୃତ୍ୟୁକୁ ବରଣ କରିବାକୁ ସେ ଶ୍ରେୟସ୍କର ମନେ କରନ୍ତି। ଯୁଦ୍ଧର ପ୍ରାରମ୍ଭିକ ସମୟରେ ରୁଷ୍ ଗୋଇନ୍ଦା ବାହିନୀ କିବ୍ ଉପରେ ଆକ୍ରମଣ କରିବାକୁ ଉଦ୍ୟମ କରିଥିଲେ।
କିନ୍ତୁ ୟୁକ୍ରେନ୍ ସେନା ସେମାନଙ୍କୁ ପରାସ୍ତ କରି ତାଙ୍କର ବାଙ୍କେଭା ଷ୍ଟ୍ରିଟ୍ ବାସଭବନରେ ସେମାନଙ୍କୁ ପ୍ରବେଶ କରିବାକୁ ଦେଇ ନ ଥିଲେ। କିବରେ ପ୍ରବେଶ କରି ତାଙ୍କୁ ଧରିବା ବା ମାରିବା ପାଇଁ ଏକାଧିକ ଥର ପ୍ରଚେଷ୍ଟା ହୋଇଥିଲା କିନ୍ତୁ ୟୁକ୍ରେନ୍ ସେନା ତାହାକୁ ବିଫଳ କରିଦେଇଥିଲେ।
