ବିପଦକୁ ଆମନ୍ତ୍ରଣ

ଜଟଣୀ(ବଡ଼ ଖବର ବ୍ୟୁରୋ): ବିପଦକୁ ଅଣଦେଖା କରି ଜଟଣୀ ସୀତାରାମ ଛକରେ ଚାଲିଛି ପରିବା ବେପାର। ନିଜ ଜୀବନକୁ ବାଜି ଲଗାଇ ପରିବା ବିକୁଛନ୍ତି ବ୍ୟବସାୟୀ । ଗ୍ରାହକମାନେ ମଧ୍ୟ ପରିବା କିଣୁଛନ୍ତି। କେତେବେଳେ କାହା ଜୀବନ ବ୍ରିଜ ପାଇଁ ଯିବ ତାହାଜଣା ନାହିଁ । ୨୦୧୫ ରୁ ଆରମ୍ଭ ହୋଇଥିବା ଫ୍ଲାଏ ଓଭର ବ୍ରିଜ କାର୍ଯ୍ୟ ଏପର୍ଯ୍ୟନ୍ତ ସରିପାରିନି । ଏହି ଅର୍ଦ୍ଧ ନିର୍ମାଣ ଥିବା ବ୍ରିଜର ବ୍ୟବହୃତ ଲୁହା ପ୍ଲେଟ କିମ୍ବା ରଡ଼ ଖସି ଯଦି ବ୍ୟବସାୟୀ କିମ୍ବା ଗ୍ରାହକଙ୍କ ଉପରେ ପଡେ ତେବେ ମୃତ୍ୟୁ ନିଶ୍ଚିତ । ମାନବାଧିକାର କର୍ମୀ ସଂଜୀବ ସେଠଙ୍କ କହିବାନୁଯାୟୀ ଜଟଣୀର ଖାଲି ସ୍ଥାନକୁ ବ୍ୟବସାୟୀମାନଙ୍କୁ ସ୍ଥାନାନ୍ତରିତ କଲେ କ୍ରେତା ଓ ବିକ୍ରେତାଙ୍କ ଜୀବନ ସୁରକ୍ଷିତ ରହିବ ।