ସ୍କୁଲରେ ପଶି ଲୁଟିଲେ ଦୁବୃର୍ତ୍ତ

ଝାରସୁଗୁଡା (ବଡ଼ ଖବର ବ୍ୟୁରୋ): ଲଇକେରା ଥାନା ବାଗଡିହି ସ୍ଥିତ ସେଣ୍ଟ ଆର୍ନଲ୍ଡ ସ୍କୁଲ ପରିସରରେ ବିଳମ୍ବିତ ରାତିରେ ଡକାୟତି। ଗତକାଲି ରାତିରେ ପାଖାପାଖି ୧୦ ରୁ ୧୨ ଜଣ ଦୁବୃର୍ତ୍ତ ଆସି ସ୍କୁଲ ପରିସରରେ ଥିବା ଷ୍ଟାଫ୍ କ୍ୱାଟରରେ ପଶି କର୍ମଚାରୀମାନଙ୍କୁ ମାଡ଼ ମାରିବା ସହ ମୋବାଇଲ୍ , ସୁନା, ଟଙ୍କା ଓ ବିଭିନ୍ନ ସାମଗ୍ରୀ ଚୋରି କରି ନେଇଯାଇଥିଲେ । ସ୍କୁଲର ଚାରି ଜଣ ଫାଦରଙ୍କୁ ବାନ୍ଧି ମାଡ଼ ମାରି ଆହତ କରିଥିବା ଅଭିଯୋଗ ହୋଇଛି।

ଲକ୍ଷାଧିକ ଟଙ୍କା ସହ ସୁନା ଓ ବିଭିନ୍ନ ସାମଗ୍ରୀ ଚୋରି ହୋଇଥିବା ଅଭିଯୋଗ ହୋଇଛି। ଆହତ କର୍ମଚାରୀମାନଙ୍କୁ ଚିକିତ୍ସା ପାଇଁ ମେଡିକାଲ୍କୁ ନିଆଯାଇଥିବା ବେଳେ ଲଇକେରା ଥାନା ଅଧିକାରୀ ଘଟଣାସ୍ଥଳରେ ପହଞ୍ଚି ତଦନ୍ତ କରିବା ସହ ବିଭିନ୍ନ ସ୍ଥାନ ରେ ନାକାବନ୍ଦି କରି ଯାଞ୍ଚ କରାଯାଇଥିବା ସୂଚନା ମିଳିଛି। ଲଇକେରା ପୋଲିସ ପକ୍ଷରୁ ଅଧିକ ତଦନ୍ତ ଜାରି ରହିଛି।