ଲଗାଣ ବର୍ଷାରେ ଧୋଇଗଲା ଅସ୍ଥାୟୀ ରାସ୍ତା
କାମାକ୍ଷାନଗର (ବଡ଼ ଖବର ବ୍ୟୁରୋ):ଢେଙ୍କାନାଳ ଜିଲ୍ଲାରେ ଲଗାଣ ବର୍ଷାର ପ୍ରଭାବ ଦେଖିବାକୁ ମିଳିଛି । ଲଘୁଚାପ ଜନିତ ଲଗାଣ ବର୍ଷା ଫଳରେ ଧୋଇ ହୋଇଯାଇଛି ଅସ୍ଥାୟୀ ରାସ୍ତା । ପଣ୍ଡୁଆ-ଆଲୁଅଝରଣରୁ ପରଜଙ୍ଗ ଭାଲୁମୁଣ୍ଡାକୁ ସଂଯୋଗ କରୁଥିବା ପୂର୍ତ୍ତ ବିଭାଗ ରାସ୍ତା ସାଆନ୍ଦା ନାଳରେ ନୂତନ କରି ନିର୍ମାଣ ହେଉଥିବା ସେତୁ ପାଖରେ ପୂର୍ତ୍ତ ବିଭାଗ ଦ୍ୱାରା ଏକ ଅସ୍ଥାୟୀ ରାସ୍ତା ନିର୍ମାଣ କରାଯାଇଥିଲା ।
ଗତକାଲି ଠାରୁ ଲଗାଣବର୍ଷା ଫଳରେ ସେହି ନାଳରେ ବର୍ଷାପାଣି ଆସି ଅସ୍ଥାୟୀ ରାସ୍ତାଟିକୁ ଧୋଇଦେଇଛି । ଫଳରେ ପଣ୍ଡୁଆ-ଆଲୁଅଝରଣ -ଭାଲୁମୁଣ୍ଡା ପୂର୍ତ୍ତ ବିଭାଗ ରାସ୍ତାରେ ଯାତାୟତ ବନ୍ଦ ରହିଛି । ଯାହା ଫଳରେ ଶିକ୍ଷା ଆଉ ସ୍ୱାସ୍ଥ୍ୟ ସେବାରେ ବ୍ୟାଘାତ ଘଟିଛି ।