କୋଣାର୍କ ମହୋତ୍ସବର ସ୍ଥିତି ପରଖିଲେ ଅଧିକାରୀ

କୋଣାର୍କ (ବଡ଼ ଖବର ବ୍ୟୁରୋ): ଚଳିତ ବର୍ଷ କୋଭିଡ କଟକଣା ମଧ୍ୟରେ ଆରମ୍ଭ ହେବାକୁ ଯାଉଛି କୋଣାର୍କ ମହୋତ୍ସବ ଓ ବାଲୁକା କଳା ମହୋତ୍ସବ । ଏହାସହ ଇକୋ ରିଟ୍ରିକ୍ ମଧ୍ୟ ଆରମ୍ଭ ହେବାକୁ ଯାଉଛି । ଏନେଇ ସ୍ଥିତି ପରଖିଛନ୍ତି ପୁରୀ ଜିଲ୍ଲାପାଳ ବଲ୍ଲବନ୍ତ ସିଂ ଓ ଏସପି ଅଖିଲେଶ୍ୱର ସିଂ । କୋଭିଡ ନିୟମ ପାଳନ ସହ ପର୍ଯ୍ୟଟକ କିଭଳି ମହୋତ୍ସବର ମଜ୍ଜା ଉଠାଇପାରିବେ ସେଇ ଆଲୋଚନା ସ୍ଥାନୀୟ ଅଧିକାରୀଙ୍କ ସହ କରିଛନ୍ତି ଜିଲ୍ଲାପାଳ ଓ ଏସପି ।

କୋଭିଡ ପ୍ରକୋପର ଦ୍ୱିତୀୟ ପର୍ଯ୍ୟାୟରେ ସଂକ୍ରମଣ ଆଶଙ୍କା ଥିବାରୁ କାଲୁକା କଳା ମହୋତ୍ସବକୁ ସୀମିତ ଲୋକଙ୍କୁ ପର୍ଯ୍ୟାୟକ୍ରମେ ଛାଡିବାକୁ ଆଲୋଚନା ହୋଇଛି । ଅନ୍ୟପଟେ ଟ୍ରାଫିକ୍ ସମସ୍ୟା ଦୂର ପାଇଁ ବ୍ୟାପକ ବନ୍ଦୋବସ୍ତ କରିବା ସହ ବେଆଇନ ପାର୍କିଂ ଉପରେ ଅଧିକ ଗୁରୁତ୍ୱ ଦିଆଯାଇଥିଲା । ଦୁଇଚକିଆ ଓ ଚାରିଚକିଆ ଯାନବାହନର ନିର୍ଦ୍ଦିଷ୍ଟ ପାର୍କିଂ ବ୍ୟବସ୍ଥା ସମ୍ପର୍କରେ ଆଲୋଚନା ହୋଇଛି ।